麥當勞捐$300萬餐券 送暖3萬家庭

第5波疫情令好多行業停工停業，亦令食物價格急升。公關姊妹同黛安講，植根香港47年嘅麥當勞，一直都好關懷社群，最近見到基層市民嘅生計大受影響，麥當勞即向香港明愛捐出$300萬餐券，由明愛分發畀3萬個綜援及低收入家庭，等佢哋可以品嘗美食，發揮守望相助嘅精神。

香港麥當勞行政總裁黎韋詩同黛安分享，佢話今次疫情令好多基層市民面對前所未有嘅挑戰，麥當勞為3萬個綜援及低收入家庭贈送餐券，係希望以愛心美食為佢哋帶嚟溫暖。香港明愛總裁閻德龍神父就話，第5波疫情對基層家庭生計帶嚟嚴重影響，所以好感謝麥當勞慷慨捐助，為有需要嘅基層家庭施以援手。