湯怡「公審」老公與好姊妹攬頭攬頸 「抱怨」麥秋成：半夜先見得一陣

湯怡（Kathy）於今年年初宣布同麥秋成拉埋天窗兼懷孕三個月，雙喜臨門。佗B 7個月嘅Kathy肥肚唔肥人，手腳依然纖瘦，得天獨厚！專心養胎嘅佢不時在喺社交平台分享近況，又不時同網民玩「你問我答」同大家分享佢懷孕keep住靚靚嘅心得。日前，佢再次同網民大玩「你問我答」，好多網民嘅問題佢都不其然帶到去老公身上，有人就大讚佢哋Sweet，不過都有人覺得Kathy好大「怨氣」呀！

{{hket:inline-image name="3578c8c9-1dd8-4c36-ac36-c0ab33d56095.JPG"}}{{/hket:inline-image}}

有網民以「睇到湯怡IG唔多唔少都有啲怨佢老公」為題開post，指Kathy喺「你問我答」環節不時都埋怨老公冇時間陪佢，網民留言：「佢係咁強調佢老公晚晚半夜先返。」的確無論大家講到咩問題，Kathy都提到老公半夜先見得一陣；而最令網民咋舌，係佢post出一張老公同好姊妹Regan攬頭攬頸嘅相，雖然佢打嘅內容好正面，但就畀網民覺得佢怨婦上身：「好大怨氣，feel到佢心入面勁唔妥Regen。」、「如果我男性好朋友個老婆無啦啦post我哋合照出嚟，仲話我哋好friend但無日日傾計，我會心諗黐線做乜……」

（↓點擊圖片放大睇湯怡點答↓）

其實呢兩張攬頭攬頸嘅合照係Regen喺Kathy同麥秋成結婚之前post出嚟，當時Regen都有打一大段說話去祝福呢對新人：「一個係我女神，一個係我偶像
都算係perfect match。呢個男人係我人生認識當中頭三位好脾氣同有耐性嘅人。尋晚大部份都斷咗片，但係同你同kaka（Kathy）講嘅嘢我都係認真同埋無唔記得，仲記得你啲兄弟好煩不停擾亂我嘅思緒，仲有唔知點解叫你出嚟跳舞。雖然你係我偶像又係我好細個就認識又好尊敬嘅老師但係如果你蝦Kathy我都會過來打你！結婚喇，希望你放下偶像包袱，做個頹爆爸爸，你已經有人要喇！恭喜恭喜！」