疫後飲食調理︳8歲女確診發燒痰咳無胃口 營養師媽媽4招飲食助7日復元︳附增強抵抗力湯水食譜

第五波新冠肺炎疫情肆虐全港，人人自危，若子女不幸染疫，作為父母一定感到擔憂。有營養師媽媽日前分享照顧8歲確診女兒的經歷，女兒當時有發燒、嘔吐、痰咳的徵狀，而且胃口不佳，因此在照顧女兒期間配以4大飲食方針，包括要吃足一日三餐攝取足夠營養，以及抗疫後湯水增強抵抗力。至今女兒已經康復，而且回復可到處走動的活力，令她放下心頭大石。

同場加映：

Healthy Life丨經常寒背體態不佳 瑜伽老師教3組動作改善+美胸

{{hket:ul-video id="5423"}}{{/hket:ul-video}}

香港營養師學會認可營養師及「家營營養中心」創辦人吳耀芬（Kathy）近日在Facebook發文分享，幼女早前確診新冠肺炎，最初出現病徵時正在上網課，她突然稱頭暈及哭起來，「喊幾喊仲嘔咗出嚟」，探熱後發現已發燒至39°C，猶幸早已將她與長女隔離， 並分開吃「碟頭飯」，以降低家人感染機會， 

「妹妹唯一有機會感染嘅原因，係佢之前嘅星期三出去打針（第一針），佢成日都用手整口罩，真係出一出去已經瀨嘢！冇諗過打針後3日就即刻中招！」

吃足一日三餐、多喝檸檬鹽水消炎

Kathy透露，幼女確診首兩日有發燒及喉嚨痛，雖然她完全沒胃口，但仍要她一日吃足三餐，「唔好掛住戒口唔食飯」，並多喝檸檬鹽水消炎，在家要打開窗令空氣流通。當女兒退燒及喉嚨痛減退後，徵狀就變成痰咳、口唇紅又乾、疲累、胃口不太好，而且手臂有紅疹，形容「好似起雞皮咁紅紅地，一粒粒凸出嚟，係有啲痕嗰種」。為免女兒只是睡在床上變得沒精神，亦著她稍微活動身體，例如原地踏步。

Kathy表示，女兒最後只剩少許咳嗽及痰，確診後第7日做快速檢測更轉為陰性，隨即為女兒煲健脾胃、增強抵抗力的食療湯水予她飲用，至今已完全康復，終可帶她外出曬太陽，「吸收吓啲UV，UV可殺死啲virus（病毒），順便製造維他命D，不需要食補充劑」。她坦言，終可鬆一口氣：

「好似過咗一場風暴咁樣，終於回歸平靜！從來都未見過妹妹病成咁嘅樣。希望大家都能夠平安無事，如果中咗招對身體都幾傷，我都聽我啲客人（講）中招嘅話，會唔夠氣、容易攰，咳唔斷尾⋯⋯」

飲用健脾胃、增強抵抗力湯水

照顧確診女兒後，Kathy有不少照顧及飲食心得。她指通常小朋友身體不適，都會待沒有黃痰、沒有發炎、痰咳越來越少時，就會煲健脾胃增強抵抗力的湯水飲用，提升小朋友抵抗力及增強脾胃功能，從而令咳嗽「斷尾」。而女兒飲用以下的「抗疫後湯水」後，不但滋潤口唇、「淡色番冇咁紅」，而且皮疹、咳及痰都明顯減少：

抗疫後湯水食譜 — 合桃腰果栗子太子參瘦肉湯

材料：合桃和腰果各2兩、栗子12粒、太子參2湯匙、粟米2條、瘦肉1件

做法：將材料洗淨，瘦肉汆水，全部材料加水煲1.5小時即可

Kathy解釋，栗子有健脾補腎之效，在西方營養學而言，栗子有很多短鏈澱粉質，令腸胃環境有利益菌生長；合桃和腰果則有補腎作用，增強體質；太子參能健脾補氣，提升活力。她笑言女兒喝畢湯水便很有精力，「問我好悶有乜嘢玩，仲成隻樹熊咁黐住我，趕極都趕唔走！」

吃韭菜抗發炎、強化免疫力

除了上述的「抗疫後湯水」，Kathy稱吃韭菜都有助加快染疫後的康復進度，因為它富含維他命C、B1、B2及Beta-胡蘿蔔素等抗氧化物，有抗發炎、保護心血管、強化免疫力及健胃提神。故此，她會烹調「韭菜炒肉片」予女兒食用，

「搵啲豉油、鹽、豆粉、糖埋個芡汁，細女竟然好喜歡。唔鍾意炒韭菜就可以放湯粉麵，都一樣咁好食，好似一間出名嘅米線舖都成日有韭菜放落去，但記住唔好叫酸辣，或者叫十小辣好了！因為酸辣對脾胃唔好，脾胃唔好，免疫力又會降低㗎喇！」

內容及相片獲「家營營養中心」授權刊登。

新冠後遺症．調理篇︳確診幼兒復元期宜調理脾胃 中醫推介4類食物改善肺功能，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

https://fb.com/HealthyLifeExpress/

撰文：賴天兒