晚吹-又要威 又要戴頭盔｜舞蹈員奪冠獲紅星個唱伴舞機會 遭主辦賣豬仔大舞台變門口賣藝

由余迪偉及林二汶主持的ViuTV訪談節目《晚吹-又要威 又要戴頭盔》，一連兩晚請來三位舞蹈界的工作者，分別是舞蹈學校負責人的「花生」，街舞老師、現職藝術行政工作的「阿K」，及身為電臀舞、啦啦隊及街舞老師的「伊馮娜」，跟大家分享他們在行內的所見所聞及辛酸。

{{hket:inline-image name="06181004.jpg"}}{{/hket:inline-image}}

{{hket:inline-image name="06181007.jpg"}}{{/hket:inline-image}}

晚吹—又要威又要戴頭盔｜前無綫編劇爆有男主角曾擅自改戲 蕭正楠：劇本有少少微調好正常【下一頁】

前晚（17日）播出的一集，眾人被問到最快賺錢途徑是否幫藝人跳舞？伊馮娜說：「跳商演係最搵錢，我識啲前輩，係兩公婆，跟一個藝人去做一個巡迴演唱會，返嚟係夠畀首期（買樓）。但商演最唔好，就係跳唔到想跳嘅嘢。」

阿K就爆曾在行內聽到笑料，指一些跳演唱會的商業Dancer可能因剛出道，不懂同老細傾價錢，當完成演唱會工作後只收到很少的車馬費，「另外有啲好笑就係，『某某某』（指紅星）喺香港開演唱會，佢哋製作部搞咗個跳舞比賽，話贏咗冠軍嗰隊可以做呢個『某某某』演唱會嘅Opening。大家想像呢個（機會）好正，（喺）大台（跳）喎！當『某某某』跳完之後，佢哋喺後面行出嚟就型到爆，真係威一世。但係佢哋跳完返嚟同我講，去到發現原來（主辦單位）只係喺門口大鐵閘掛塊Banner，之後喺Banner前面表演；跳完仲要幫手迎賓，派宣傳品……係冇糧（出），因為係冠名獎品，冇人工，連（紅星）腳毛都見唔到，但又唔敢反抗。」

【晚吹】美妝Sales賤招散貨客人隨時爛面 教你試tester技巧以免中伏【下一頁】

再問到行內是否有名過其實的舞蹈班？花生說：「見過有個好正，叫Elsa（即迪士尼動畫《冰雪奇緣》女主角）禮儀舞蹈班，內容就係教到你好似Elsa咁樣，變到好靚、好有氣質。」阿K就話見識過所謂「功夫街舞班」，但教出來出拳慢又甩拍子，指行內人若果見到舞蹈加入噱頭元素，就知道有問題。

至於多年來跳舞有否受過傷？花生表示：「一定傷，睇吓係有咩傷。我自己就好彩啲，剩係腰痛，仲有細個壓腳背，可能壓歪咗啲骨，而家郁時周身有聲響。（腰痛係咩原因？）因為我哋以前嗰輩學跳舞，係死壓爛壓咁拉筋，你見中國嗰啲成個人坐落去，我哋就係咁壓出嚟。而家有科學啲嘅方法，會有好多器械幫手，唔會要你拔苗助長。」

（↓點擊圖片放大↓）

阿K亦言長年累月一定會導致周身骨痛，現在也患有肩周炎及一些傷患。而伊馮娜曾經在練旋轉360時出事，腳掌反方向落地，令到軟組織嚴重受損，第二日瞓醒落唔到床；之後只能靠多休息、減少郁動及食消炎藥，多管齊下才慢慢復元。

撰文：梁榮達

同場加映：愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】