家族榮耀︳Hillary劉沛蘅同熊黛林相差11年演母女 「初時要叫阿媽覺得有啲怪」

Hillary劉沛蘅去年憑ViuTV綜藝節目《膠戰S2》，成為新一代宅男女神，近日無綫熱播外購劇《家族榮耀》又有份參與演出，飾演馬家大少奶「葉彩薇」（Lynn熊黛林飾）的大女兒招娣，同甄誠（朱鑑然飾）會有感情發展；Hillary在兩間電視台出現，曝光率可謂不低。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

{{hket:inline-image name="03152007.JPG"}}{{/hket:inline-image}}

{{hket:inline-image name="008da68Ely1gyca3hkcs0j32bc1jke81.jpg"}}{{/hket:inline-image}}

41歲的Lynn與30歲的Hillary同演母女，年齡雖然差距不大，外形令觀眾信服。原來兩人同屬一經理人公司，是同門師姊妹，Hillary表示︰「今次係第一次合作拍劇，初時好緊張，雖然大家同公司又算師姐妹，之前喺派對亦有見過面，但我哋無乜點傾偈。Lynn氣場一向好勁，拍嗰陣時，教我點樣面對鏡頭、企位個啲嘢，好肯分享經驗。（相差只有11年但演母女？）人哋話我哋似姊妹，初時要我叫佢阿媽都覺得有啲怪。導演話我童顏，哈哈！呢個角色好啱我。而家拍完劇見到Lynn，都繼續叫佢媽咪，佢好玩得。」

《膠戰S2》丨呂爵安拍vlog自稱未去過遊戲機中心 Jeffrey講三級有味笑話破史上尺度【下一頁】

Hillary亦分享拍攝第13集時的一幕對罵、被掌摑的場面時，得到Lynn的保護，「拍攝前同佢有傾過，佢又怕摑親我，我就話照打啦，好過狂NG！最後佢摑嗰一下……其實只係輕輕手指頭揩到我塊面，但鏡頭上睇落好似好大力咁。」同時，Hillary說今次有幸同男神張智霖（Chilam）、羅子溢及黃浩然等合作，「開工會特別醒神！」她冧爆大讚Chilam是「零死角」男神，「佢化咗妝同冇化妝都一樣咁靚仔，面上又有酒凹。佢鏡頭前好認真，鏡頭後好似小朋友，希望再有機會同佢合作。」

{{hket:inline-image name="008da68Ely1gyde01bwuzj32bc1jku0x.jpg"}}{{/hket:inline-image}}

{{hket:inline-image name="03152008.jpg"}}{{/hket:inline-image}}

《家族榮耀》播出後叫好叫座，有傳製作人梁家樹拍板開拍續集，Hillary說︰「好開心接到招娣呢個角色，第一次有咁多戲份，拍攝時學到好多嘢，疫情期間自己都有學戲，如果開續集都好。（希望升呢同Chilam演夫妻？）我太童顏，扮佢老婆會好怪，做佢個女好呀！（兩間電視台都見到你演出。）多謝網民冇狙擊我，話我食盡兩家電視台茶禮。自己冇話只同某一間電視台合作，我經理人公司係《家族榮耀》嘅出品人之一，冇考慮同擔心太多，工作都係公司安排。」

（↓點擊圖片放大↓）

此外，Hillary早前有份唱《膠戰S2》主題曲《#膠on！》，又為馮允謙的新歌《報復式浪漫》MV擔任女主角，她表示自己也有學唱歌，有機會也想一闖樂壇。問到會否找「好朋友」洪卓立幫手，Hillary推說最多找身為唱作人的馮允謙幫忙；當提議她同洪卓立合唱，Hillary又扯到馮允謙身上，說對方名草有主，合作不怕傳緋聞。難道她現在亦已名花有主？Hillary笑說：「開心嘅。（穩定發展中？）了解吓先。（洪卓立月初35歲生日……）我都有同佢講生日快樂！」

撰文︰梁紹明

髮型︰Terry Yeung @Yonda Hair

服裝︰Iris & Ink from The Outnet

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】