家族榮耀 | 郭力行演年輕版艾威鮮肉變中佬 網民面盲症發作：林雪瘦咗咁多

現年44歲嘅郭力行（Rico）曾於TVB電視劇《學警雄心》飾演「Bobby仔」（陳國強）一角為人認識，約滿TVB之後就北上發展，期間雖曾回港再戰樂壇，但此後已甚少露面。日前無綫劇集《家族榮耀》見佢驚喜現身，扮演「何啟禮」（艾威飾）的年輕版；唔少觀眾都認唔到呢位「肉面飛龍」就係郭力行，印象中青靚白凈嘅佢驚現雙下巴，亦因為咁更似艾威，網民都好奇唔知佢係咪為藝術犧牲增肥。

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

其實睇番Rico微博，多段由佢上載嘅演唱片段已經發福唔少，佢曾經同葉世榮直播，睇落甚至比對方更加蒼桑，真係唔知佢呢幾年經歷咗啲咩！而Rico2月時向粉絲拜年，當時似乎開爆濾鏡，睇落都仲係下巴尖尖。

{{hket:inline-image name="0471ea6a-7e9e-4267-bf62-4e10ab4af762.jpg"}}{{/hket:inline-image}}

唔少網民都話接受唔到佢呢種大崩壞，更表示睇嘅時候完全認佢唔到，以為只係一個普通內地演員，嘖嘖稱奇表示︰「太誇張了」、「比起吳卓羲，真係Keep得好差」、「以為林雪瘦咗咁多」、「仲以為佢已經退出咗娛樂圈」等等。

Rico而家喺內地又拍劇拍戲兼有商演工作，但初到內地嘅佢一無所有，係膽粗粗去闖。佢曾接受訪問指剛到北京嘅日子非常難捱，因為語言不通而不敢外出，到埗三個月都冇工作，居住地方只有80呎，只用12蚊人民幣度日。幸好第一次拍戲之後，有香港導演得悉佢喺內地發展後，工作機會漸多，甚至有機會擔任男主角。

Rico多年嚟好少傳出緋聞，最經典係2006年同洪欣發展姊弟戀，二人被影到嘅時候，女方表現大方，反為男方態度曖昧，戀情最終亦不了了之。

撰文：黃蘊姿