前無綫製作總監丨吳雨寄語電視行業要有作戰心態 「畀你獨食又點樣呢？」

人稱「吳雨大哥」的吳雨在70年代開始在社會打滾，當時正值香港經濟起飛，他第一份工是在針織廠做文員，做了5年就加入無綫，他的師祖是許冠文，師傅是劉天賜，教寫劇本的是編劇胡美屏。在這行40幾年，吳雨回想昔日人才濟濟，認為有競爭先有進步，「畀你獨食又點樣呢？」

同場加映：ERROR嫌新歌點擊率未達標 笑斥MIRROR出歌出得太密

{{hket:ul-video id="5428"}}{{/hket:ul-video}}

{{hket:inline-image name="6f368556jw6dch166c4gij.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

吳雨接受鄧英敏的網上節目《老友鬼鬼》訪問，1975年加入無綫，擔任《歡樂今宵》兼職編劇，創作小品有《歡樂今宵》環節「多咀街」、《林亞珍》等等，後來升為監製，一直平步青雲，1994年離開時，他已是無綫製作總監。吳雨說：「香港70年代開始起飛，處於發展期，我有幸入咗電視圈，呢30年百花齊放，最勁係能夠影響全球嘅娛樂同生活習慣。」

鄧英敏初演《歡樂今宵》遇挫折 金融風暴險令身家全清【下一頁】

他透露入無綫時，月薪已有1000元，鄧英敏聽到甚為羨慕，吳雨說：「我1970年做文員，月薪400蚊，做咗5年先加到1000蚊，所以我入無綫，劉天賜問我幾多錢人工？我話1000蚊，佢話『咁畀1000蚊！』，之後遇到有慧眼嘅伯樂，就係當年無綫助理總經理林賜祥，即係陳家瑛老公Gordon，佢同我講『做咗3個月，你超值，吳雨。』咁就加多我500蚊人工，嘩，我心諗喺針織廠做咗5年，由400蚊到1000蚊，喺呢度3個月就加咗5成。」

盧海鵬性格火爆曾追打江毅 踢爆李家鼎愛欺善怕惡【下一頁】

當吳雨加入無綫的第3年，即1978年，無綫高層跳槽去佳視，包括梁淑怡、葉潔馨、劉天賜、盧國沾、林旭華、石少鳴，此六人被稱為「六君子」，吳雨說：「Gordon當時拉住我話『吳雨，梁淑儀跳槽，你師傅劉天賜都走喇，你係劉天賜大徒弟，估計都叫你去（佳視），而家有兩條路，一係你跟佢（劉天賜）走，一係就即刻留低簽約。』當時我3000蚊人工，佢雙倍畀我，6000蚊，我個腦轉咗30秒都唔夠，即簽，Gordon話『冇問題喇，我哋而家要穩定軍心，你認為你下面啲人，邊個要用呢個方法留？』我即刻捉咗何麗全（吳雨徒弟）簽約，當時佢月薪1500蚊，我用3000蚊留佢。」吳雨大讚昔日的創作人都是人才，就算沒有第一梯隊，第二梯隊也是能幹，他笑說：「今日，第一梯隊都唔知係咪我當年嘅第三梯隊。」

名人啟示錄丨何麗全佩服盧海鵬粗口收放自如 懷念樂壇蓬勃年代望搞「六台聯頒」【下一頁】

{{hket:inline-image name="53.jpg"}}{{/hket:inline-image}}

{{hket:inline-image name="52.jpg"}}{{/hket:inline-image}}

70至90年代，市民最喜愛「電視撈飯」，電視圈亦掀起很多變數，無綫、麗的、佳視，每天都進行電視大戰搶收視，吳雨說：「麗的成日追住《歡樂今宵》嚟打，《鱷魚淚》、《大地恩情》，千帆並舉，因為《歡樂今宵》冇追看性，所以陳家瑛（當時《歡樂今宵》監製）幾乎神經衰弱，日日見佢間房都有一大包藥，成日話『阿雨，死喇，佢哋又嚟打，又唔知出咩劇集喇！』，我帶住一班下屬成日郁個腦，令到我哋有實踐同作戰嘅經驗，而家邊有？乜嘢行業都好，有競爭先有進步，畀你獨食又點樣呢？我以前老闆楊受成先生講過，『英皇叻晒又點？英皇珠寶第一又如何？冇用㗎喎！』因為冇競爭冇進步，最好係成行成市，我哋喺競爭下培養出嚟。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】