劉天賜認扯皮條拉TVB小花去飯局 蘇施黃係姪女都冇份去？

蘇施黃離開商台之後，在YouTube開設個人頻道，除了講飲食、講入廚之外，更有不少話題之作，近日她邀請到「阿叔」劉天賜和雲海到家中作客，蘇施黃趁機會跟他們拍片，大談「飯前噴飯之娛樂圈黑歷史」。由於劉天賜曾經在TVB工作多年，蘇施黃聽聞藝人或唱片公司的辦公室櫃桶有大疊現金，經常都打麻雀、玩啤牌，就算唱卡拉OK都會有一大疊銀紙，猜贏就可以拿一張。她笑嘲：「我入行40幾年，呢啲場面從來都未見過！去到廣播道我好自卑嘅，啲藝人嘅車不斷來來回回進出，見到類似明星但噏唔出名嘅，但佢又揸住架靚車，仲要係靚嘅開篷跑車，畀人見到佢個樣。我當時都叫做有名，但我哋窮過鬼嘅。」

【商台最後開咪】蘇施黃結束41年電台生涯 憶張國榮離世每日直播暱埋狂喊【下一頁】

{{hket:inline-image name="134785169_122021689753687_8770153911017945825_n.jpg"}}{{/hket:inline-image}}

{{hket:inline-image name="134645826_1020271231816852_4421642416457212347_n.jpg"}}{{/hket:inline-image}}

劉天賜主動講解當年「明星飯局」的情況，他直言當年飯局價是3千元，身旁的蘇施黃即時擘大雙眼：「搞錯，我真係你個笨姪，點解冇我份？」劉天賜直接打擊反駁說：「你係咪小花吖？3千蚊只係食餐飯。（有冇手仔摸？）冇嘅！完咗之後，老細馮景禧平時都好節儉，佢用細細膠袋裝住啲鑽石、玉（器），標明價錢700美金，然後交畀我，叫我搵去飯局嘅女仔小花，我講埋名都唔怕，張曼玉！」蘇施黃質疑為何張曼玉還算小花，劉天賜解釋當時她未成名，亦未接拍第一部電影，蘇施黃笑言如今都已經變「老花」。

劉天賜續言「大花」不會接飯局，除了是公司的慶功宴，有名車接送出入。被問到會否飯後去九龍塘？劉天賜笑言：「冇咁快嘅，先問咗地址先，如蘇小姐可唔可以畀你個電話我，或者問你住邊，我送埋你返去啦！之後嘅下文我就唔清楚喇，唔問亦都唔會理。」蘇施黃大膽問劉天賜算不算成為一個官方的「扯皮條」？劉天賜大方回應說：「直情係啦！我感覺到自己面紅，而家70幾歲先敢講出嚟。實際上當日係做咗自己都過唔到自己嘅事，覺得攞份人工係應該嘅。」他表示在嘉禾電影公司工作時，老闆鄒文懷和何冠昌吩咐他帶兩圍枱的女士去招呼三、四位日本發行商老闆，他只會在夜總會找舞小姐頂替就算。

（↓點擊圖片放大↓）

蘇施黃孖發哥行山大膽叫「木咀」 周潤發健康靠夜晚唔做一樣嘢【下一頁】

節目中，蘇施黃稱呼劉天賜為阿叔，據知劉天賜是她的堂叔，劉綽琪是她的姪女。65歲的蘇施黃原名姓劉，叫做劉高琮。雖然她被劉天賜笑她不是小花，無法獲邀請去飯局，但蘇施黃在電影《線人》中都有穿裙子演出，亦有參與清談節目。

（↓點擊圖片放大↓）

責任編輯：楊安莉