本港第五波新冠肺炎疫情持續，多個社區隔離設施陸續投入運作。一名網民發帖訴苦，指自己雖已因染疫，前前後後已居家隔離11日，再加上獨居，但日前所住大廈遭圍封強檢後，即使已解釋情況，仍遭送入新田隔離營。未料，他無奈執好行李入營後，過了一晚即被通知可以離開回家，因而感到憤怒，「我連電腦都駁好，準備同佢大戰14日㗎！」
同場加映：
Sick問識答丨30歲後骨質密度漸下降 營養師拆解2類人易患骨質疏鬆症
一名港男今日（12日）於「連登」以「尋日俾人送咗入新田，瞓咗一晚就話走得」為題發帖，指自己於2月25日交口水樣本後，於3月1日收到短訊通知，證實確診；而在期間，獨居的他一直居家隔離。直至前日（10日），其所住大廈遭圍封強檢，
「第二日就話要送我入新田！講咗我獨居＋居家隔離咗11日都話唔得，一定要入營！」
事主無奈下，只好收拾心情執好行李，準備入營；未料在營中過了一晚後，即被通知可以離營，
「好喇，我執晒所有嘢，連枱機電腦都搬埋入營瞓咗一晚，你同我講我已經夠日數！自己係喺房快測，只要係陰性今日就走得？咁你送我入嚟把X呀！」
事主續指，自己帶了兩個篋，一個裝衫褲及日用品，另一個用來裝電腦、屏幕、滑鼠等，「我係純打機，公司冇wfh（在家工作），放緊有薪病假。」最後他於今日3時許離營，離營前又提醒道：
「呢度嘅房門，佢只可以由內鎖外，唔可以由外鎖內，即係你單人房嘅話，你去廁所同沖涼，你間房係冇得鎖門。試過問職員有冇錢房匙提供，佢地話冇，外出嘅時候貴重財物要自己跟身。（眼見周圍都算多CCTV，但係有冇插電就唔知了）。」
此事引來網民熱議，有人認為當局安排混亂，「而家得個『亂』字」、「浪費資源」、「即係點都要你到此一遊，到一到都跟住程序走，以防走漏」、「Day 0 好似係計採樣日期喎，11/3 剛好隔離第14日（註：由於事主應該是打錯前日為『3月11號』，故此處應為『10/3 剛好隔離第13日』）」。同時，亦有網民安慰事主，笑言：「免費新田一日遊」、「當去staycation」、「咪好囉，一日就走得」。
確診者表明意願仍被上門接走：得10分鐘執嘢
此外，有網民昨日（11日）在Facebook群組「全港抗疫交流分享區」發帖，指自己接受社區核酸檢測呈陽性，隨在網上呈報後，前日收到短訊通知要去隔離，
「打咗百幾次電話終於打通，有消防員聽以為真係可以拒絕唔去......點知今日保安局下午打電話黎話上緊嚟接我......得10分鐘執嘢......上到車問保安局哥哥，話噚晚修咗例，無得拒絕到社區隔離設施。」
他又指，雖然自己在網上呈報填表時「全否」，而經電話「真人對話」及短訊回覆，亦均有表明不想入營，「但都被捉」；當得知自己是被送往皇后山邨隔離，環境較好，
「本身話只接我一個，聽到話皇帝山，我要求帶埋確診咗嘅太太同囝囝......我係怕第二日再捉佢哋無人照顧。」
大廈圍封強檢確診被送新田隔離，港男分享營內環境+提醒帶備物資，詳情即睇：【下一頁】
市民若拒入住隔離設施或被檢控
社區隔離設施已陸續投入服務，保安局局長鄧炳強昨日在電台節目提醒市民，政府設立社區隔離中心是希望防止病毒進一步擴散；對市民而言，除了是檢疫令下的法律要求，亦是履行防疫責任。
他續指，隔離設施部分較好，部分則較為基本，但市民不應選擇想入住的設施；又指因應有人拒絕入住隔離設施，前日上門聯絡到79人，當中78人最終接受隔離，餘下1人仍拒絕隔離，稍後可能會向其發出傳票檢控。
若本來已陽性 圍封強檢不用再檢測
衞生防護中心傳染病處首席醫生歐家榮昨日表示，圍封強檢下所有人均接受檢測，但本已陽性的個案可獲豁免核酸檢測；至於圍封前兩日確診的居家隔離新個案，亦會送去社區隔離設施。他又指，不論經核酸檢測或快速抗原測試，隔離期均由取樣本日以「第0日」計算。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】