Omicron後遺症？丨柳俊江爆康復2個月氣管仍未好 傳聞太多 連續兩日房事不成勁擔心

柳俊江今年1月底不幸感染新冠肺炎Omicron，隨後獲安排入住隔離中心，接受治療及隔離令之後，早已康復回復正常生活。柳俊江近日開FB直播，以過來人身分跟大家傾傾Omicron的後遺症，過程中雖然女友Grace Mak沒有露面，不過全程都在旁陪伴住柳俊江，關係非常甜蜜。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

柳俊江隔離中心過年練六嚿腹肌 勸院友減肌力訓練 網友心邪回應【下一頁】

{{hket:inline-image name="74944967-d4f5-453a-bc88-b2a341cfa9d1.jpg"}}{{/hket:inline-image}}

柳俊江透露自己1月27日發病，大約7至8日後轉陰性，提到Omicron的後遺症，柳俊江說：「氣管係最大問題，仲係成日咳。呢個問題多數人都會面對，因為如果中COVID，對呼吸道感染反應好大，喉嚨痛嘅機率好大，而且係好痛，我都痛咗好耐。」

柳俊江指由發病至今已經1個半月時間，但氣管仍然不太舒服，經常有痰、想咳同口乾，「本身我有氣管敏感，每年都會因為咁而失聲，我覺得氣管係差咗，影響我跑步表現。平時我都間中唱吓歌，到而家都唱唔到平時可以達到嘅高音位，而當我集中精力講嘢耐少少，都會要停一停飲杯水，呢個對我而言係最大後遺症，仍未諗到點解決，係飲多咗水。」而一向熱愛跑步的他指自己跑步時的心率都有提高，但未知是否跟COVID有直接關係，對於有網友問及「連花清瘟膠囊」的問題，他說：「我係食過兩次，食完條氣管係幾舒服嘅，但係咪直接有關係呢？唔知，如果係安全方法，大家都可以試試！」

柳俊江大熱天時著老西遊花墟 網民熱議：係咩驅使你咁做？【下一頁】

柳俊江後來都有提及感染COVID後會影響性功能的傳聞，他笑言會大方分享，更先問身旁的女友：「唔介意呵？」他表示過往有不少報道指COVID對性能力有影響，有實驗指倉鼠睪丸變細和性能力減弱，但他認為是心理問題所影響，更大方分享自己個經歷。「一日出研究報道，我睇完都驚，當晚我飲咗酒同跑咗步，個人都幾攰，但當晚又覺得可以有性行為，點知各方面原因之下，當晚我力不從心。坦白講，我從未試過力不從心喎！點搞呢？腦海入面危機立即浮現，諗起倉鼠嘅『蛋蛋』（睪丸），我本身係好冷靜嘅人，但我兩日都完全『唔得』，弊喇，係咪真係有影響呢？我一度真係以為COVID係對我嘅一個宮刑，莫非以後就冇咗呢個人生樂趣？呢兩日真係好多壓力同唔開心，好大鑊，弊喇，係咪要睇醫生呢？從此封刀？到第三日，當日心情靚又冇乜點攰，當日同女朋友好開心、好溫馨，咦，又番嚟喇喎！100%回來了，連用家表示冇問題喎！講明先，我冇食藥呀！信心返嚟之後從此就冇事，所以好明顯係各方面影響心理壓力！」

{{hket:inline-image name="LAU4.jpg"}}{{/hket:inline-image}}

{{hket:inline-image name="LAU1.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉