香港迪士尼網店400款商品任揀 買滿$800免費送貨

以往黛安不時約埋姊妹去主題樂園玩，而家要留家抗疫，都少咗外出。大家係咪好掛住香港迪士尼樂園度假區嘅奇妙魔法呢？黛安收到風，度假區推出咗全新「香港迪士尼樂園網上商店」，樂園喺暫時關閉期間仲特別提供本地送貨服務，粉絲只要安坐家中，就可以任揀網店上超過400款全新及熱賣商品。

姊妹話，商品中包括粉絲必購嘅全新迪士尼與彼思電影《熊抱青春記》主題商品；可愛粉嫩色系嘅米奇與好友春日、櫻花主題商品；應節嘅國際婦女節主題商品；更有全新Dwell Well Be Well系列家居用品，無論係廚具或文具等都一應俱全；商品仲會每周更新，為粉絲帶來驚喜。

而家只要喺網店購物滿$800（淨交易額）即可享免費送貨，否則只需畀$50運費即可送到家中。此外，網店仲有唔少優惠，例如買滿$1,000或以上，可獲價值$150以上嘅指定禮物；「奇妙處處通」會員折扣亦適用於大部分正價商品㗎，粉絲千祈唔好錯過啊。