《愛回家之開心速遞》昨晚一集「不知不覺操控你」是承接上星期劇情︰張龍（黃耀煌飾）被女友Rebecca（沈可欣飾）「霸佔」後，沒有生氣不特止，在劇集尾聲甚至望住保安室的CCTV展露陰森可怕的笑容。當時不少網友議論紛紛，到底張龍會否「黑化」？昨晚一集終於有答案，一向是「暖男」的張龍疑似有「控制狂」，在背後操控Rebecca的生活。
同場加映︰《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向
兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲【下一頁】
張龍細心說服Rebecca，迫使女友穿灰色衫、留長頭髮和保持黑色髮色，更控制她的體重，堅持餐餐一齊下廚食住家飯，不想Rebecca跟好姊妹外出大吃大喝兼飲酒。後來，張龍越來越愛操控女方，將熊若水（呂慧儀飾）傳給Rebecca的短訊都刪走，甚至將她的手機上的「緊急聯絡人」由熊若水改為自己。另外，當Rebecca得悉「控制狂」西就（嘉駿飾）竟然爬上前女友家求復合時，張龍卻回應：「係佢唔識爬啫！」再加上一個詭異笑容，實在耐人尋味。
與其話張龍黑化，不如話佢展現自己陰暗面，由於角色由超級暖男變成控制狂，黃耀煌事前非常緊張觀眾的反應，他在網上留言：「今集好緊張，好大轉變，終於我講對白冇咁多個『呢』字，不過連尾音都冇埋，變成讀對白機，好想講句……我覺得自己做得唔夠好。要記住每一次演岀都要當成最後一個機會，好好珍惜，好好把握，從迷惘中再度努力。歡迎大家係下面踴躍留言，話畀我知我有咩做得唔好！」
愛回家│張龍癡情等一年終向Rebecca表白 黃耀煌暴跌25磅嚇壞同劇演員【下一頁】
黃耀煌的Post引來不少網友留言，起初他十分擔心角色轉變會令觀眾難以接受，沒想到大家的留言非常「跳Tone」，例如︰「好想被張龍操控」、「如果張龍係我男友，被操控一世都願啦」、「做得唔錯呀！控制狂張龍」、「做得好好喎！但求編劇唔好破壞張龍形象啦」、「我都想中張龍毒，不過我都係鍾意暖男張龍！控制狂眼神可以再放啲, 再大膽啲，放啲, 加油加油」、「幾時表演爬窗入女朋友屋企」等等，非常有趣！
黃耀煌對於大家渴望被控狂的回應大感驚喜，他接受《晴報》訪問時回應說：「我真係估佢哋唔到。但我想講做控制狂，好攰呀。我咁懶，唔係好啱我！」他感激觀眾留言對他的演出給予意見，「觀眾留言令我知道自己有咩要去改善，做好啲。好搞笑有人提我擦潤唇膏，話我個嘴太乾，我以後都會記得擦潤唇膏啦！」
問到是否刻意將角色語氣改變，「其實係導演想我個角色有啲轉變，有另一面畀觀眾睇到。唔想我講嘢咁稚氣，所以不停提我要講對白慢慢，唔好有咁多尾音。導演對我好好，但我自己可能一時之間改唔到晒，所以就好緊張，有啲位就唔係幾自然咁，我就覺得自己做得未夠好。但都係咁，岀來嘅效果，所以好多朋友都話唔係好似平時嘅我，都係好事嚟嘅。多謝《愛回家》可以俾機會我去嘗試另一種節奏同性格去處理角色，下次一定可以再做好啲嘅！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉