毛舜筠（毛姐）YouTube頻道「Mo Moments」日前與李婉華YouTube頻道「移加李婉華」聯播，毛姐現在滯留溫哥華未能返港拍戲。二人暢談內容仲包括毛姐與男子人氣組合MIRROR成員姜濤、柳應廷（Jer）合作的電影《阿媽有咗第二個》，以及與盧瀚霆（Anson Lo）、呂爵安（Edan）合拍的電影《過時過節》，分享拍攝時的趣事。
同場加映：林峯與張馨月幼稚爭執成情趣 工作動力源自女兒一聲「爸爸」
身在溫哥華的毛姐透露，原定上月初回港準備拍戲，惟政府收緊防疫政策，回港後必須在指定酒店隔離21日，加上機票十分昂貴，她現時計劃先飛往泰國再回港，同時最令她難以接受的是，「當我聽到特首宣布香港居民唔准返嚟，嗰種感覺好似阿媽同我講『你做錯事，唔准返屋企』，你團聚就係做錯！你離開香港去團聚就係犯咗法！呢句說話真係畢生難忘。」
《家有囍事》世紀合照｜袁文傑卅年後偶遇「無雙表妹」 毛舜筠與「家明表哥」相見不相識【下一頁】
提到姜濤早前在IG上載偷影毛姐未埋位時休息的相片、片段，她笑言「冇餐好瞓」，「佢好快手影咗拍咗，係一個偷拍高手，好百厭，但又好可愛。我試過追佢9條街，要洗佢咗嗰條片，因為好肉酸呀！擘晒口又有少少反眼，真係非洗不可……其實喺拍攝期間，佢畀咗好多歡樂我哋。」毛姐又指姜濤是一個「問題兒童」，例如問她「會唔會剷光頭拍戲」、「幾多片酬先肯剷光頭」、「性感尺度有幾多」，笑指一直被姜濤纏住問問題。
姜濤精神開工認身心壓力大 鬼馬偷拍毛舜筠瞓覺遭還擊【下一頁】
至於Jer在《阿媽有咗第二個》片中，感情上有很多變化，所以每次都很集中投入拍攝，毛姐說︰「有時喺姜濤問問題嘅時候，佢會一齊玩，之後又會集中番。有時我助手拍攝我哋日常花絮，雖然Jer好怕醜，比較內歛啲，佢會喺塊板後面唱歌畀我聽。」
孖呂爵安演母子 毛舜筠︰大家唔使太羨慕我【下一頁】
談到Edan，毛姐直言很想有個這樣的兒子，「佢好有家教，睇到佢爸爸媽媽用咗好多心血去栽培佢。佢係咁多個入面最有智慧、EQ好高，我諗爸爸媽媽都會好想有個咁嘅仔。」毛姐還大讚Anson Lo很乖，會向前輩請教，她說：「就算嗰場戲冇我，我都會同佢哋圍讀，畀啲意見佢哋。」最後，毛姐盛讚MIRROR經理人花姐（黃慧君），她說：「佢好勁，個個仔都可以獨當一面，同埋咁乖，我好欣賞MIRROR咁單純、直接，花姐真係功不可沒。」
疫情嚴峻丨許冠傑郭富城各捐2000套檢測包 李澤楷搵MIRROR做抗疫大使【下一頁】
此外，盈科拓展集團主席李澤楷早前表示為了抗疫，除了捐贈10萬套快速測試套裝給社會各界外，還點名旗下的MIRROR為抗疫大使，鼓勵香港市民齊心抗疫。大約17秒的「MIRROR與你攜手抗疫」的宣傳片段已於2月20日在ViuTV YouTube上架，12子帶上口罩，隊長楊樂文（Lokman）說：「最近疫情嚴峻，大家一定要記住加強個人衛生，戴口罩、勤洗手。」而副隊長江𤒹生（Anson Kong）則說：「冇咩事就留喺屋企，唔好出街呀！」姜濤表示：「身邊有老人家同小朋友，要特別多加照顧。」Edan說：「我哋每個人都要做好自己。」Anson Lo稱，「亦都好想多謝醫護人員，對大家的付出！」最後12位成員齊聲說道：「齊心抗疫！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】