一田春日BB用品展掃平貨 下周一eShop率先預訂

黛安有唔少朋友已經做咗父母，見佢哋成日四圍頻撲買BB用品，真心戥佢哋辛苦。黛安剛收到風，一田將於下月4至17日舉行「BB五感成長之旅」春日BB展，搜羅多款BB用品，仲會喺元朗形點I同東港城中庭設特別展場，方便家長掃貨。

公關姊妹話，一田eShop已收集逾600款精選貨品，畀大家下周一（21日）起率先預訂，由學習用品到護理產品都有，部分更有「原箱產品」優惠，如Huggies鉑金裝Magic Comfort學習褲中碼（31片/原箱4包）低至5折，特價只售$136；思詩樂嬰兒洗衣液替換裝（800ml /原箱12件）都有62折，特價只係$396等，單一定單買滿$800或以上，更享免費送貨㖭。

另外，只要落單前用YATA-Fans手機App連結一田eShop帳戶，即可享網購滿$1賺1分，逢周三更有3倍積分；單一定單買嬰幼兒用品或食品滿$1,500，更送$100電子優惠券，30日內買BB產品滿$200即可使用。