193爆細貓被鬧「渣男」感開心？ 入行對拍拖睇法改變：會收埋

由郭嘉駿（193）、譚凱倫、鄭伊琪和郭奕芯主持的ViuTV節目《晚吹 - 戀講嘢》，前晚請來一位男歌手的前女友Wai，她指前度是一位新晉唱作歌手，會填詞、作曲、畫畫，她在前度與公司簽約後，竟遭對方冷待，最終分手收場。不少觀眾如偵探一樣，抽絲剝繭猜猜男歌手身份，其中193曾經講過「我知道男主角係邊個」，有人就猜測跟193相識的「細貓」應智越，亦有人指林家謙、陳浩、《全民造星II》的陳天翺都有嫌疑。

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="40.jpeg"}}{{/hket:inline-image}}

細貓今日出席活動時，就此事向《晴報》回應道：「呢兩日好多朋友都問我，其實自己喺韓國好長時間，返香港之後啲朋友主要係中學同學，但本身讀理科多數係男仔，女性朋友主要係圈中人好少圈外女仔。（覺得自己好無辜？）其實都開心，要多謝193，難得我都有啲花邊新聞，多咗人留意同討論我。」他強調會繼續做好自己，若拍拖會公開。而陳浩亦在IG出post否認自己是事件主角，同時覺得其他人因為這樣的傳聞才接觸他的音樂作品，很是諷刺。

戀講嘢丨女生爆唱作歌手出道後冷淡分手 193：我知道男主角係邊個【下一頁】

至於193接受《晴報》訪問，對於矛頭指向細貓，193說：「細貓都有因為呢件事搵我，但佢都開心嘅，因為多咗人留意佢，可能有啲人本身冇留意佢首歌，啲人會摷返佢首歌MV，睇吓女主角係邊個先，所以幾好吖，幫到人。」193希望大家亂估時，先不要罵對方是「渣男」，他解釋：「愛情呢啲嘢係兩個人嘅事，雙方都有唔同嘅說話都未定，所以就算知道個男仔係邊個，都未必係渣男。」談及193表示知道該歌手是誰，他說：「我聽過佢啲歌，其實我哋唔係好認識，但係唔可以講佢係邊個，因為應承咗個女嘉賓，我都係估估吓先估中咗，其實都好難估。」

{{hket:inline-image name="12.JPG"}}{{/hket:inline-image}}

{{hket:inline-image name="16.jpg"}}{{/hket:inline-image}}

提到193在節目中講到娛樂圈是個大染缸，藝人會有好多顧忌，193直認不諱：「入行前同入行後，我對拍拖嘅睇法係唔同咗，以前好冇所謂，所有朋友都知，但係入咗行之後，我覺得戀愛係兩個人嘅事，如果真係拍拖，我都會收收埋埋就算；因為始終而家都多咗人識，叫做一個公眾人物，唔想畀人指指點點，話對方好或者唔好，都會令大家唔舒服，既然係咁就不如唔好畀任何人知，我而家嘅睇法係咁。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}