昨日一集《東張西望》中，有家長投訴遇上作風古怪的女補習老師，她除了於上門補習期間對學生言語攻擊之外，更做出反常行為；而節目組更找來該涉事老師親自回應種種指控。
同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你
有家長投訴該女補習老師，指對方曾對她說：「佢直接話我個仔唔係讀書材料，佢好蠢，我唔會再幫佢補習，退番錢畀你。又話我個女唔得，佢先4歲咋！」
又有家長投訴該女補習老師竟提出幫女兒做功課的要求：「佢話覺得你個女唔鍾意寫字，不過唔使擔心，有老師可以模仿筆跡，可以幫你個女做埋功課。」她又指外傭反映該補習老師在補習時跳舞、唱歌，更捽腳趾，好唔衛生。
而補習老師亦曾舉辦西貢英語一日遊，只需198元，不少家長都曾報名參加，不過就大呻中伏。有位譚小姐憶述當時情況：「全程只係聽到Miss講『Hello』、『How are you』『What’s your name』，全程都無講過英文。」譚小姐更發現同行嘅外籍老師原來只係臨時演員。
《東張西望》主持利穎怡找來該張姓補習老師當面對質，問到西貢英語一日遊，全程都無講過英文一事，張小姐表示：「參加者未必全部聽得明英文…你嘅小朋友應該主動行埋嚟同我講英文，我都會同番你小朋友講英文。」至於師資方面，她就強調同行嘅外籍人士是從事教育界，打算之後可以分派小朋友讓他上門補習。
提到為甚麼曾經開Live跳舞鬧家長，張小姐指：「我曾經喺香港網台節目主持7年，我哋都係大癲大肺，非常生動，（但你個Live係指控家長誹謗？個Live你仲話自己係大肥豬，又跳舞。）哦…唔緊要，而家喺Live可以點做都得，係個人嘅喜好，我唔需要回應點解我喺個Live入面咁生動。」利穎怡問到張小姐會唔會覺得老師應該要有老師的模樣，對方就表示：「唔好意思，呢個只係我其中一樣興趣，鍾意上門補習，收90元一小時，然後出入搭的士，冇話過自己係一位老師。」
不過在《東張》播出前，補習老師在社交網發文，指控寫稿員陳小姐偷咗佢個Chanel銀包，她寫道：「報警東張x望捉入面條廢x寫稿員陳小姐！偷咗我 Chanel Boy 短銀包用我所有 credit card. 」而昨日她又上載一條直播片，片中她在TVB電視城，指自己「等待警察」，更留言：「返娘家…咪（瞇）埋眼都識行！」
本報聯絡利穎怡，她否認《東張》寫稿員偷了張小姐的銀包，「當然唔係真。我亦問過《東張》Supervisor，佢話對於一切不實指控，公司保留追究權利……」
撰文：娛樂組