《愛回家》真人版︳細龍生鄭世豪持續三個月被嚇醒求救 網民幻想：樓上係咪住咗龔水？

鄭世豪憑飾演《愛回家之開心速遞》嘅細龍生入晒屋，喺戲中係富二代嘅佢住獨立大宅，鄰居都唔多個！不過現實中佢呢幾個月就俾樓上嘅噪音搞到冇日安寧，非常頭痛呀！

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

鄭世豪喺社交平台開post向網民求救問「我可以點？」，佢描述情況：「樓上新搬來後，初初以為裝修中，正常嘅，點知發現原來係工人姐姐朝朝早準時7點左右吸塵、搬枱、拖櫃、𨂽地，一嘈就兩個多月了。」佢配上一條影住天花板嘅影片，片中不時出現似裝修嘅聲響，無奈咁講：「朝朝早相同動作、噪音，震撼我心靈。究竟屋企有咩要日日這樣嘈地打掃。由搬吸塵機、開機，由睡房開始吸刮（每天在我頭頂開始）走廊、廳……未完的，搬嘢、槌嘢，全個天花在震動……」

{{hket:inline-image name="258842555_279013030832901_7355235892944579323_n.jpg"}}{{/hket:inline-image}}

呢件事仲跨年咁纏繞住佢：「樓上無時無刻變為一個工場，2022年朝朝早也是不變。」佢指而家已經嘈足三個多月，朝朝樓上一開吸塵機佢就自然驚醒，佢表示想收集意見解決呢個問題。

有網民講笑話佢樓上係水水（熊若水）同阿龔（龔燁）夫妻真人版，日日為咗做家務搞大龍鳳；又有網民叫佢踢垃圾桶洩憤兼製造噪音報復，大家都睇《愛回家》睇到好投入呀！都有網民認真解答佢，叫佢咁近城隍廟就應該求番支好籤，搵《東張西望》嘅同事幫手；不過都有人話唔使搞到咁大先，叫佢自行搵樓上傾下又或者請管理處同佢哋交涉免得尷尬。有網民建耳佢戴耳塞自救，但佢就話當樓上活動嘅時候係成個天花板都震，完全搞唔掂！