J2全新節目《人夫放假約出去滾》由林盛斌(Bob)主持,他帶同多位一線的男藝人去「滾」,意思原來是一邊打邊爐一邊傾男人經。首兩集嘉賓正是《鐵拳英雄》主角之一的陳山聰,山聰上集大方談及以往年少輕狂流連夜場的日子,不過下集提到家人時,山聰不禁流下男兒淚,非常感性。
同場加映:閃電傳真機丨張沅薇趁兩個仔長大復出幕前 常被認出最愛聽到:細細個就睇你
鐵拳英雄丨唐詩詠事隔3年雙眼變化再成話題 網友斥劇組求祈「Mata」唔係泰文【下一頁】
陳山聰憶起曾經食過一餐過萬元的打邊爐,而他直言17歲入行開始已經去蒲,「當年去Judgement AD,係一間好大嘅Disco,好多藝人都會去,梁朝偉、陳小春都會去,去跳舞溝女!」他笑言當年恃住自己年輕,夜夜笙歌,飲醉完一起身就開工拍劇,他形容當時正是人生最低潮,完全沒有工作,轉行做售貨員,後來感到自己依然喜歡演戲,最終返無綫由低做起,「3000幾蚊人工一個月,第一年返去出席節目巡禮,我企最高嗰排,當時希望一排一排咁企到前面,結果TVB台慶50周年,第一年企第一排。當年好多人叫我唔好再浮沉,半紅不黑,哥哥叫我返澳門做生意,但我想捱吓試吓,感恩有呢啲經歷先有而家嘅陳山聰,將來畀個仔一個借鏡。」
山聰笑言與太太Apple都是「猜枚」認識,「我識到佢係上天畀我一份最好嘅禮物,因為佢帶畀我另一份更好嘅禮物,就係囝囝Jaco,所以而家家庭係我第一位。(唔介意你啲花邊新聞?)我問過佢怕唔怕人哋知,佢答我:『我唔覺得你以前有咩咁大不了,又唔關我事,我係識而家嘅你呀嘛。』」他直言做爸爸之後,人生大轉變,由以往買衫褲鞋襪改為投資理財,積穀防飢,「我好彩生咗Jaco,否則會好後悔,佢帶畀我好多歡樂同改變,我對愛護屋企個心態唔同,一切都為佢著想,因為世界上咩物質都可能唔屬於你,只有呢樣嘢係屬於自己,因為係我嘅血脈。」
重提昔日反目|陳敏之聽從伍詠薇指示堅拒接觸 陳山聰銘記面對面被當透明【下一頁】
提到媽媽時,山聰更難掩激動心情眼濕濕,他哽咽說:「家人畀我任性咁多年,佢見到我結婚係最開心,佢見到個孫,我咁多年嚟都冇乜錫過我媽媽,但反而係生咗小朋友,我見到佢嗰種開心,呢件事我係做得啱!」他直言婚後已經再沒有其他雜念,他最期望囝囝長大後能做個頂天立地的男子漢,問到會否最想感染囝囝跑步的堅持?他說:「太太懷孕時已經摸住個肚同阿仔講:『咩都唔使學你爸爸,最緊要學佢點樣堅持同勤力,唔怕蝕底肯捱就夠!』堅持好緊要,好多人當時同我講:『陳山聰冇可能再喺娛樂圈發展』、『你係零、你負分』、『唔會有人鍾意你!唔好諗啦!』等等,但有信念希望可以再做到,當然中間有好多人幫我,好感恩。」他直言花了八年時間,走上人生馬拉松的第二人生,總算報答屋企人同自己,「當日我同自己講,唔好放棄,放棄咗人生就咁完,企番出嚟面對你自己,肯面對一定有人原諒你。」
節目中有不少感性的畫面,不過節目所有Wide Shot都竟然係全部失焦「甩轆」,絕對是電視台甚少出現的錯誤。Bob接受《晴報》電話訪問查證,他表示:「問過監製,原來係支cam拍攝嘅時候出現咗問題!(嚟緊仲有咩嘉賓?)其實今次五位嘉賓總共十集,其他幾個嘉賓都好正嘅,有感動、有笑、有喊、有激勵嘅!」在預告片中所見,其餘四位嘉賓將會是陳展鵬、蕭正楠、袁偉豪和黎諾懿。
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
責任編輯:楊安莉