萬千星輝頒獎典禮2021丨鍾嘉欣睇化獎項失視后未感失望 繼續努力：或者10年後會有機會

鍾嘉欣在《萬千星輝頒獎典禮2021》奪得「馬來西亞最喜愛TVB女主角」，不過就失落「最佳女主角」一獎，令不少粉絲及網民感到失望。她受訪時稱自己完全沒有失望，更認為每一個演員都有所付出，自己對於得獎鉍否，則已「睇化」，她十分「enjoy the show」。

{{hket:inline-image name="8.jpeg"}}{{/hket:inline-image}}

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

嘉欣受訪時表示︰「好感恩可以參與呢次頒獎禮，唔知道幾時會再返嚟，可能未必會再上到呢個頒獎台。我今日嘅心情早已準備好。得到『馬來西亞最喜愛TVB女主角』時，我講咗『唔知道仲有冇機會上台』，入行咁多年好清楚，頭先喺台上已經估到……其實所有提名嘅演員都曾經係我同事、我嘅朋友。入行多年，我知道拍劇要有個穩定位置係需要好多付出，無論任何一個演員得獎，佢哋都有付出，邊個得獎冇所謂。我有呢個心態，覺得自己已經好叻叻豬！」

{{hket:inline-image name="fca0e94c-efad-4943-9707-0859292e1e484.jpg"}}{{/hket:inline-image}}

她又回憶起以前自己參加頒獎禮時的心情，「好緊張，好在乎獎項」，不過現在當了媽媽後，「心臟變得強大」，看事物時也看得更遠；續說︰「呢個頒獎台上發生嘅事情，我都安然接受，過程中亦了解自己心理，原來已睇化呢啲頒獎禮嘅獎項！我當時真係enjoy the show，冇手汗，冇心跳加速，只有衷心祝福， 替每位得獎者高興。」

{{hket:inline-image name="chung3.png"}}{{/hket:inline-image}}

星空下的仁醫│鍾嘉欣回港拍劇思鄉病發陷焦慮 同老公有共識唔迫仔女讀醫演戲【下一頁】

嘉欣又指收到老公的恭賀訊息，「佢個衰豬，凌晨4點都唔瞓！佢4點起身睇電視，睇吓老婆靚唔靚。佢讚我好靚，好yummy，但話我唔乖，好似好眼瞓；我真係眼瞓，要照顧小朋友，而且好耐冇出席時間咁長嘅頒獎禮。」嘉欣又指兒子都有睇直播，而且仲要等她回家先肯睡覺。

嘉欣今次回港主要是處理私人事，坦言收到TVB邀請時曾考慮要否出席頒獎禮，但見有不少粉絲及觀眾支持，「所以我想親身多謝大家！我會繼續努力，可能做得唔夠好，所以得唔到獎，或者幾年後、10年後會有機會。」問到她會否再接劇，嘉欣就表示：「我諗好耐……未必會拍嘢，除非遇到心動嘅劇本。」

開騷前嘉欣與被指同自己撞樣的《聲夢》學員鍾柔美（Yumi）來一張「世紀合照」，嘉欣說一直有留意一班《聲夢》學員，「好多個都好優秀，同埋有首歌叫《Hands Up!》，我會畀仔女聽，學廣東話。好鍾意Yumi自然嘅星味，佢好享受表演，好有potential，前途無可限量！」Yumi就表示細個已睇嘉欣做戲，又好鍾意聽對方唱歌。

Yumi出道以來一直有「翻版鍾嘉欣」之稱，問到嘉欣會否覺得Yumi與自己似樣？「有㗎！但我覺得Yumi叻我好多，佢10幾歲就表現出天份同有唔少舞台經驗，好期待Yumi你嘅將來呀！」

撰文：林惠珊

萬千星輝頒獎典禮2021丨譚俊彥成雙料視帝哭謝父母家人 林夏薇黑馬跑出 鍾嘉欣失視后【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】