黎明早前因為好怕聽到自己昔日唱腔演繹的《夏日傾情》,於是推出全新版本,希望大家可以忘記他過去的「黑歷史」。不過效果卻不似預期,最終大家因為他的新版本推出,令《夏日傾情》這首歌再次登上音樂平台的熱搜榜,只可惜上榜的仍然是他的舊版本,認真搞笑!黎明再接再厲,大年初四立春日向大家送上全新版本的《全身想旅行》,聽到網友留言話:「真係夭心夭肺!」
同場加映:虎年快樂丨許家傑林淑敏被拍檔問題考起 送水輝自爆龍躉 大小姐嘲夠擺兩圍開年
與時並進︳黎明重新灌錄舊作《夏日傾情》 「防止大家再聽震音老土版」【下一頁】
過往兩年多時間,全球疫情反覆,各國都有不同的防疫措施,坐飛機去旅行彷彿已經係「上世紀嘅事」咁。黎明今次特別邀請到好友林日曦為此曲重新填詞,想為香港人吐出心聲,沒想到林日曦的歌詞擊中大家的要害,大家一路聽一路笑一路喊,實在百感交集。黎明在FB留言都不忘派金句,他說:「今日立春祝福每位身體健康,事事順利,今次我就重唱一曲兼搵個朋友幫忙重新填詞,將《眼睛想旅行》亦改為《全身想旅行》。人哋有神童預言,而我更不是什﹙甚﹚麼預言者,所以我只能將此曲:《全身想旅行》送給大家去分享兼回憶今次疫情給大家的所有經歷,相信每一位都有屬於佢個人的信念,我亦一樣,而這一曲:《全身想旅行》我想牙痕痕斷估預言今次聽完此曲不超過60天便可將佢拋諸腦後成為過去式,往後亦無需再聽,因為疫情也只是我們生命中的一點具挑戰性的小過客,此過客亦好似刺客,傷害了好多無辜,最後大吉利是,請原諒我,新正頭講啲咁嘅嘢,我亦相信人類能接受不同時候的挑戰,包括對抗疫情種種等等。」
下月同台演出|黎明91年台慶扮失手片段再現 周慧敏被整蠱 從後打人報復【下一頁】
《全身想旅行》黎明
作曲:雷頌德
作詞:林日曦
編/監:何丙
個赤鱲角真闊 冇晒人飛
你我都半放棄 放假就冚被
唱吓舊歌 當我呼出廢氣
甚麼空喼經已生鏽 甚麼passport積晒污垢
甚麼皮靴都發咗臭 吽喺屋企 摸吓最厚嘅褸
如果想開心 𡁻日本的炸粉
墊住大阪的聲音 當去鬼咗旅行
尋一點開心 淥熟一兜意粉
索住曼谷的香薰 個肺都想旅行
呵 ~ 個肚都想旅行
呵 ~ 我血管想旅行
呵 ~ 我眼睛想旅行
不少粉絲聽到偶像的新歌都感觸良多,紛紛留言說:「多謝你立春俾一份令人輕鬆攪笑的禮物!」、「咁抵死嘅歌詞,本身好悶嘅新年,聽完真係好開心,虎中作樂!」、「多謝你的搞作,能安撫大家!」、「多謝Leon! 去到旅行真係大家嘅新年願望!」、「真係疫下心靈雞湯,安撫了大家,你的堅持進步令我們感動!」、「歌詞係大家嘅心聲,希望疫情早啲走,我哋大家可以去旅行」等等,一致好評!
而林日曦都留言說:「有位朋友佢喺樂壇上係神枱級嗰批,我係佢就un吓腳湊吓囡,但佢偏偏份人就…都唔知佢係貪玩定係屁股痕癢,定係話佢對自己有要求啦我唔知!早排佢竟然無啦啦入錄音室,重新錄多一次佢自己嗰首《夏日傾情》,話因為唔滿意自己當年啲震音喎!我丕(呸),咁當年啲震音當年興吖嘛!我冇理佢,我之後照聽返舊嗰個版本,然後過咗冇幾耐,唔知佢係貪玩定係屁股痕癢,定係話佢想氹吓大家開心啦我唔知,竟然打嚟話想重新錄一次《眼睛想旅行》。我話,吓?你上次重新錄《夏日傾情》嗰時,咪已經重新錄埋《眼睛想旅行》囉?佢話,嗰首係《越夜越有機》…我話,哦……唔好意思我成日搞錯兩首歌…然後我心諗,你想錄《眼睛想旅行》,咁你咪去錄《眼睛想旅行》囉,同我講做咩呢?佢話想重新填過啲詞,哦原來係咁,所以就出咗今日出街嘅呢首《全身想旅行》。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
責任編輯:楊安莉