河國榮堅拒打針享受最後堂食 網民勸離開香港五字回覆有洋蔥

現年56歲嘅御用「鬼佬」河國榮，2008年離開TVB之後陸續演出舞台劇同接拍廣告，期間又機緣巧合，隨周潤發到荷里活教授對方英語。

同場加映： 聲夢傳奇丨After Class四小花畫老虎應節 炎明熹難忘鄉下放炮仗 姚焯菲最愛食

{{hket:ul-video id="5208"}}{{/hket:ul-video}}

不過近十年來河國榮卻百病纏身，除咗受抑鬱症同胃酸倒流等病折磨外，2017年又患上基底細胞癌，其後又因心律不正先後做了2次手術，屋漏兼逢夜雨，佢收養多年嘅老犬又患上骨癌，為咗照料愛犬同籌集藥費，欠下朋友加卡數逾80萬。

{{hket:inline-image name="272315024_477597953725252_4757346304020079493_n.jpg"}}{{/hket:inline-image}}

原屬澳洲藉嘅佢前年曾短暫離開香港，不過上年10月嘅時候佢又再次返到嚟香港，仲第一時間歎杯地道靚奶茶，比香港人更香港人！日前佢又再次分享佢自己大啖西多嘅自拍照，享受最後嘅堂食，留言:「打針最終嘅後果不堪設想。我揀自由。我揀健康。二月尾後唔可以再享受堂食。that’s ok。而家享受多啲先。」唔少人都留言表示自己本身都正為自己未注射疫苗成為「異類」而苦惱，好高興搵到「同路人」，知道自己並唔孤獨。

其中有人問到河國榮點解唔離開香港，佢就講咗一個令人感動嘅答案：「有香港人😁。」視自己為「香港仔」嘅河國榮曾接受訪問，指自己仍經常為香港發夢：「 我有諗過如果有日中六合彩，可以攞錢畀美國一間我好欣賞嘅語言公司，叫佢設計一個廣東話課程，保留廣東話傳統。」

河國榮來港發展已約34年，來自澳洲昆士蘭的河國榮在大學時遇上一名香港留學生，機緣巧合下愛上香港粵語流行曲文化，視張國榮為偶像嘅佢之後開始學廣東話，更花盡心思了解香港文化及港產片。於1987年河國榮決心放下澳洲的生活，隻身來港追演藝夢。TVB做特約演員之後正式簽約為旗下合約藝員，但始終未能擔當主角。

圖片來源：Facebook

撰文：黃蘊姿