見到鄭裕玲（Do姐）和黃子華，你會想起……這首歌？「藍藍天空高掛我的夢，深海……潛入最深追逐確與眾不同，沿途快樂自由陪伴我……美夢成真因你讓我到處去碰……」無綫千禧處境劇《男親女愛》在2000年首播，Do姐飾演的「Miss Mo」，子華飾演的「余樂天」經常鬥嘴，由鬥氣冤家變成情侶，兩人抵死的演繹，加上「余樂天」對住一隻小強做戲都可以咁精彩、好笑，故深得觀眾的喜愛。
同場加映：COLLAR出道12日即接飲品廣告代言 Day認混血兒 Candy投訴經理人拖糧？
今日，Do姐和子華在商台再遇，原來子華和導演陳詠燊接受Do姐主持的《口水多過浪花》訪問，宣傳賀歲片《飯戲攻心》，難得聚首，Do姐問及子華的近況，他說：「之前拍咗《乜代宗師》，唔見咗好多錢……雖然收3,000萬（票房），但我拍得好貴，所以做老闆同做導演係兩件事，自己做老闆真係有啲搵笨。」記得子華當時表示要賣樓，才籌集足夠資金開拍《乜》片。
Do姐鄭裕玲棄美國讀書夢做藝人 揭自學流利英文登影視一姐之路【下一頁】
子華表示除了工作外，亦要在健康與保健之間奮鬥，他表示曾經遇到周潤發（發哥），Do姐問他有可有跟發哥跑步 ?子華笑說：「發哥跑步嘅時間，係我啱啱瞓嘅時間，所以搞唔掂；其實發哥好勁，佢日日都會去一間醫館按摩，有次我撞到佢，喺大堂，佢用咗10分鐘教我點跑步。」
這時，Do姐拜託子華，表示如果再見到發哥，就將這句說話告訴他，「可唔可以上嚟《口水》接受訪問？11年喇我哋呢個節目，周圍呼籲，都搵唔到你上嚟，你可唔可以幫我做呢件事呢？會唔會好為難你？」邊聽邊不斷「係」的子華笑說：「梗係為難啦！講梗對上嗰次見到佢，都已經成年半、兩年，我冇佢電話……」Do姐說：「冇所謂冇所謂，我幾廿年都冇撞見，你將呢件事放喺心度。」子華秒回：「得！得！得！你放心！」
14場舞台劇延期 黃子華安慰粉絲︰我哋會再見【下一頁】
談到喜劇，陳詠燊認為「認真去做」才會好笑，子華亦十分認同，「我同Do姐拍《男親女愛》，我其實唔識做喜劇，我係做演員㗎咋，只係創作有條友叫『余樂天』，條友總之最緊要就係做人要開心。」Do姐反問他：「而家同以前嘅做法有咩唔同？嗰陣時你大量改劇本㗎喎！黃子華！入咗間房，（劇本上）一冇你，你就改改改改！」子華笑住解釋：「我想好笑啲！」陳詠燊坦言全靠看子華的棟篤笑才寫到喜劇劇本。
此外，子華昨晚與鄧麗欣、張繼聰、王菀之、林明禎、陳湛文及陳詠燊出席《飯戲攻心》記者會，由於受疫情影響，現時放映無期，演員們即席寫揮春，祈望戲院盡快重開。子華表示疫情亦影響了其他工作，包括舞台劇《最後晚餐》延期，但他說：「我都慣咗工作計劃被打亂，如果問我新年點過？躺平囉！而家要見步行步，希望可以行得靚啲……我仲有句金句『雖然要躺平，但要棟篤咁躺平』，即係平得嚟都要撐住！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】