飯戲攻心丨黃子華張繼聰飯枱激戰爭女 大爆對白黐綫：一定睇到嘩嘩聲

黃子華、張繼聰、鄧麗欣、王菀之、林明禎及陳湛文合演的《飯戲攻心》，因政府延長社交距離措施，戲院被迫停業，令電影押後上映。相隔一年再拍賀歲片的子華，坦言沒有票房壓力，對電影亦充滿信心，「依家（票房）有好多理由會唔好，上年連戲院都唔開，你幾叻都無用。」身旁的張繼聰表示認同，認為演員只需做好本份，票房絕非演員能夠控制，「呢套戲全部對手都好叻，合作得好開心，我自己拍完都好期待睇套戲。」

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

{{hket:inline-image name="skllme20211215205.JPG"}}{{/hket:inline-image}}

{{hket:inline-image name="skllme20211215231.JPG"}}{{/hket:inline-image}}

子華指電影是有戲的喜劇，亦令人會心微笑，他更以溫暖的激情喜劇形容這套電影。「講我同阿聰兩兄弟爭女嗰幕，好激㗎，拍嘅時候我哋都拍到嘩嘩聲，嗰場戲阿聰圍住飯枱好似演莎士比亞咁兜個圈去演，現場人嘅反應係『啲對白咁黐綫㗎』，但其實又好合理，佢拿捏得好好，總之大家一定會睇到嘩嘩聲。」戲中張繼聰跟子華的前度鄧麗欣拍拖，並帶女友回家同居，新歡舊愛天天圍爐食飯。而拍攝期間，眾人都被對白引得發笑，就連「棟篤始祖」亦破功，子華笑稱「我都唔係成日忍到笑，引人哋笑又唔同。」

{{hket:inline-image name="w1.jpg"}}{{/hket:inline-image}}

{{hket:inline-image name="skllme20211215227.JPG"}}{{/hket:inline-image}}

電影以叉燒連繫子華、張繼聰及弟弟陳湛文，子華更為電影學整叉燒，「學咗都有十幾分鐘，哈哈！有個大師傅整好晒，我哋做下樣。叉燒係講緊家庭同成個城市，亦係成個香港好有味道嘅嘢，諗起叉燒大家都會覺得好溫馨，所以我話係一套溫暖激情嘅戲就咁解。」阿聰亦指叉燒這食物並不昂貴，但它卻代表了很多情感在內，「我哋去到外國一定會好掛住香港嘅叉燒，會勾起同邊個食叉燒嘅溫馨。」

{{hket:inline-image name="D11_RYAN6318.jpg"}}{{/hket:inline-image}}

{{hket:inline-image name="skllme20211215226.JPG"}}{{/hket:inline-image}}

現實中張繼聰育有一對子女，家庭觀念亦很重，他指14歲兒子張瞻在家吃飯時，總是心不在焉：「阿仔成日覺得點解食餐飯要咁耐，有時仲唔見咗人。我都經歷過呢個階段，我20至30歲時，大年初一都無跟父母去拜年；但到咗依家年紀，就好享受同家人相處。」未成家立室的子華，亦很喜歡過節，「依家會比起以前更加珍惜同屋企人相處，新年一定會同長輩拜年，我係一個好鍾意過節嘅人，節日本身好人為，人生都好人為，如果唔係就無嘢做，當係畀機會大家相聚。人生就係搵藉口畀大家開心，每日都應該畀啲原因自己開心，因為好多嘢唔係必然。」

{{hket:inline-image name="w2.jpg"}}{{/hket:inline-image}}

撰文：倪小珊 攝影：林良明

黃子華髮型：Helen、化粧：阿玉

張繼聰髮型：jobbylee@gmail.com、化粧：LevinaBo