「TALK+」聯乘實惠 派加密貨幣利市

新年最開心就係收利市，黛安收到風，「星之子」陳易希開發咗具加密貨幣錢包功能嘅通訊程式TALK+，仲會同實惠合作推出「TALK+ x Pricerite實惠加密貨幣迎新春」！顧客可啟動TALK+錢包，喺實惠全綫分店用加密貨幣付款，更可享實惠3倍會員積分。

公關姊妹話，即日起至2月15日下載TALK+嘅用戶，只要放入約值$200或以上嘅加密貨幣，即可獲約值$78嘅泰達幣（USDT）；如果邀請新用戶用TALK+，可額外獲約值$78嘅泰達幣，請到最多朋友使用TALK+嘅首5名用戶，將有額外獎賞，頭3名分別可以獲得約值$15,600、$11,700及$7,800嘅比特幣㗎。

陳易希話，愈來愈多人用加密貨幣，今次嘅新春獎賞計劃預計會送出共$50萬嘅加密貨幣利市，先到先得，送完即止。佢又話，除咗實惠外，目前亦有同10間商戶傾緊合作，包括香水品牌同餐廳等。