一起走過︳韓馬利提名胞妹參選港姐賺經驗 韓燕紅：家姐唔會點條黑路我行

韓馬利（Mary姐）胞妹韓燕紅（Judy）是1982年香港小姐的「友誼小姐」得主，同屆得獎佳麗是冠軍梁韻蕊、亞軍鄺美雲及季軍寇鴻萍，而入圍佳麗更有翁美玲及吳夏萍等，各人質素有番咁上下，Judy當年可謂遇上不少勁敵。日前Judy聯同Mary姐，接受港台《一起走過》楊紹鴻、寶珮如訪問，分享當年選美經歷，以及為何沒有跟隨家姐留在幕前發展等。

{{hket:inline-image name="01032010.jpg"}}{{/hket:inline-image}}

{{hket:inline-image name="01032006.jpg"}}{{/hket:inline-image}}

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

Mary姐指當年是第二任丈夫、身為節目監製的馮吉隆提議，於是找妹妹Judy參選港姐，「因為以前啲人好怕醜，馮吉隆想搵多啲人參加，Judy啱啱喺加拿大讀完書返嚟，話不如搵佢玩吓。我覺得對一個剛讀完書嘅女仔，係一個好好經驗，又有咁多樣嘢去訓練，何樂而不為呢？而且我哋姓韓嘅血統唔係好差，哈哈哈！於是慫恿佢去試吓。」

無綫長期服務金牌│韓馬利入行40年因病改變人生觀 鍾志光蘇恩磁30年來火花十足【下一頁】

Judy指當年參選時只得24歲，心態志不在獎項，表示︰「家姐唔會點條黑路我行，我係抱住去玩嘅心態參選，冇諗住做啲咩，攞咩獎。（鬼妹仔性格不怕着泳衣上台？）都冇諗呢個問題，又唔係乜嘢曝露嘢，以前泳衣都係一件頭，唔係坦胸露背。當時係諗住有好多嘢學就真，冇乜壓力。媽咪亦好自由，由細到大都好尊重我哋，鍾意做乜就做，但都有條底線，加上又有姊姊睇住。（當選後作品不多？）我冇代表作，選完，TVB有叫我上藝員訓練班，但我冇去，後來《香港早晨》監製陳圖安搵我做節目，佢話唔試吓點知唔得，我唔識得拒絕，膽粗粗就去試，之後做咗3、4集左右。」

（↓點擊放大睇圖片↓）

Judy坦言當年完全沒有接觸娛樂圈行業，加上做《香港早晨》是直播，令其大感壓力，尤其是每朝4時返公司化妝和拿稿件，「公司唔會預早話畀你聽有咩做，例如到時要你訪問專業人士，我真係好驚，喺走廊行嚟行去背稿，形成咗好大壓力。做直播又唔可以錯，前一晚瞓唔著，驚聽日唔知做咩，所以最後都冇做。」她透露之後有段短時間做地勤，一度有機會轉做空姐，但自己修讀完培訓課程又覺得不適合，之後又再轉到唱片公司做幕後宣傳，而多年來合作過的歌手包括葉德嫻、張偉文、張德蘭、蔡楓華、林憶蓮、陳秀雯、陳百強及甄妮等。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}