湯寶如信相士打Botox走紋 囝囝勁愛Anson Lo陪食老麥換卡

湯寶如（湯記）入行30年，她參加第九屆新秀歌唱大賽而入行，簽約寶麗金為旗下歌手，代表作品有《相思風雨》、《絕對是個夢》、《活著就是等待》、《緣份的天空》、《感冒》 等等。昨晚陳志雲網上節目《Stephen．傾》播出的一集，湯記到參加完新秀後，無綫要求她加入藝員訓練班，一個月的底薪3,200元，騷錢另計，她說：「我上咗一堂就冇上，因為我唔鍾意做戲，我唱歌，點解要入藝員訓練班？我好迷失。」及後向雪懷邀她試音，繼而加盟寶麗金。

同場加映：傳無綫 x 港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

{{hket:inline-image name="12.JPG"}}{{/hket:inline-image}}

陳志雲談及湯記今年踏入50歲，她立即笑說：「陳志雲，你想點？唔好提喇，女人去到55歲之後，唔係話冇價值，係會冧（倒塌），我驚會冧囉！」陳志雲問她：「你驚邊部份冧呀？」湯記坦言很擔心面部的肌膚鬆弛，同時透露有美肌，但不會整容，陳志雲講了幾種美肌方法，湯記笑謂：「原來你好有心得，不如你開番個美容節目，我叫晒我啲姊妹過嚟搵你。」

陳志雲遂問湯記有沒有打針？她直認不諱：「我打過BOTOX，因為睇相佬話我眉心有痕嗰度，做事會不成，所以佢叫我打BOTOX，打走佢（痕），咁就會好啲，而家冇喇！」

名人啟示錄│湯寶如得悉囝囝判斷專注力不足 暫別幕前進修學照顧特殊兒童【下一頁】

陳志雲指自己的皮膚較為乾燥，曾打過保濕針，湯記笑問：「你有冇隆胸呀？」陳志雲鬼馬地說：「冇，我胸部問題，太大，我要減少一啲；關於護膚，乜都試過，我都63歲。」年過半百的湯記則談到：「人生而家有乜嘢事想做？唔係幕前嘅嘢，例如畫畫、煮嘢食，我想過一啲好舒服嘅生活，呢個歲數係要享受屋企嘅生活。」

周慧敏湯寶如王馨平再合體 黎瑞恩獻唱甩嘴被寸「Good甩」【下一頁】

{{hket:inline-image name="25.jpg"}}{{/hket:inline-image}}

{{hket:inline-image name="26.JPG"}}{{/hket:inline-image}}

{{hket:inline-image name="27.jpg"}}{{/hket:inline-image}}

湯記的兒子今年14歲，踏入反叛期，所以要經常抽時間跟兒子溝通，她說：「基本上佢會同爸爸傾多啲，始終大家都係男仔，佢而家發育時期，對對好多嘢好奇，好多嘢都會問，我又講唔到畀佢聽……即係男性嗰啲嘢……有一次我𥄫到佢睇AV嘅嘢……」

湯記與兒子對話如下︰

湯記︰「阿仔，你係咪好奇呢啲嘢？」

兒子︰「唔係呀！男女都睇吓吖嘛！」

湯記︰「咁得意？睇男又睇女，媽咪唔介意你嘅性取向，總之你話畀我聽，你鍾意男人定女人？」

兒子︰「唔知……」

湯記補充︰「其實阿仔都好迷茫，佢好鍾意Anson Lo（MIRROR成員盧瀚霆），我呢排食咗10次老麥，佢話要抽Anson Lo張卡，連張紙都唔捨得掉，我叫佢抹乾淨啲茄汁先，所以我屋企有好多MIRROR嘅嘢。其實佢初初鍾意姜濤，而家鍾意Anson Lo，話好靚仔，唱歌好聽，同埋覺得佢哋好有型。」湯記坦言覺得兒子可能偏向喜歡男性，她認為這是與生俱來的，總之有愛就OK，不會介意兒子喜歡男或女。陳志雲大讚她是個開明媽媽，與兒子建立了一份信任。

湯寶如 上天給我的禮物【下一頁】

{{hket:inline-image name="800_abb6d0ab8f33a252b49800ee3cd1db65.jpg"}}{{/hket:inline-image}}

湯記曾為ViuTV主持音樂節目《Chill Club》，當時見過MIRROR和ERROR，她說：「我好欣賞佢哋喺舞台上嘅活力，我感受姜濤嗰種壓力……咁細個，突然間有咁多人擁護佢，好多人愛錫佢。」陳志雲說：「個傻仔連處男都唔敢認！」湯記聽後即表示：「係咩？係處男？我唔信，我試吓先！」

此外，湯記透露與男友早有不婚共識，指自己是個不適合結婚的人，亦不敢承諾一生一世。陳志雲提到她的前度譚國政當年有第三者，湯記說：「係，當年個記者會，其實我係唔想開，但係佢實在太過份，喺一個場合，我見到佢拖住新女朋友，後來佢話分手……而家我哋都做咗朋友，OK，冇嘢！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}