愛上我的衰神｜羅蘭與胡鴻鈞嫲孫情感動網民 「嫲嫲要喺第三維度看守住北河」

無綫劇集《愛上我的衰神》由陳嘉慧及胡鴻鈞等主演，劇情也圍繞嫲嫲林四妹（羅蘭飾）、陳北河（胡鴻鈞飾）的嫲孫情。嫲嫲對北河好嚴厲，亦看似偏心爛賭兒子陳川（李岡飾）及孫女陳荔枝（吳珮如飾）；其實說到底，嫲嫲心底裡點會唔錫個孫？更剖白自己見到孫仔即使畀人無理取鬧亦不會駁嘴，令嫲嫲火大，恨鐵不成鋼。

{{hket:inline-image name="wu5.png"}}{{/hket:inline-image}}

同場加映：傳無綫x港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

愛上我的衰神︳陳嘉慧首擔正氣質清純觀眾大讚 胡鴻鈞爆監製偏心有「特別待遇」【下一頁】

昨日一集提到，北河小時候，嫲嫲好錫佢，乜嘢都同北河分享，會一份番薯兩份食。其實十分心疼北河的嫲嫲，所有「惡言相向」都是為孫仔設想的「激將法」、「苦肉計」。昨晚劇情一度讓觀眾以為兩嫲孫終可「團圓」︰嫲嫲叫北河買番薯回家，一起觀賞超級月圓，但見北河遲遲未回，她便獨自上天台睇月光，豈料不幸跌倒，氣絕失救致死，孤獨離世；兩嫲孫陰陽永隔，令人遺憾。在預告片中可見，北河得知嫲嫲逝世後十分傷心，有網民表示：「嫲嫲，你要喺第三維度看守住北河。」

{{hket:inline-image name="wu3.png"}}{{/hket:inline-image}}

不少網民都認為羅蘭及胡鴻鈞的嫲孫情十分感人，在TVB FB洗版留言，大讚87歲的羅蘭姐好好戲，紛紛表示︰「感動，唔捨得嫲嫲」、「演技精湛的羅蘭姐，是靈魂人物，有她的戲份更是戲肉，不可多得的好演員」、「嫲嫲嗰part真係好催淚！要扮衰人用苦肉計對住個孫仔，用心良苦。好可惜最後兩嫲孫都唔可以一齊睇月光」、「羅蘭姐演技真係神級，超感動，好唔捨得嫲嫲啊」、「羅蘭姐超級好戲，同胡鴻鈞嘅嫲孫情好有火花」、「羅蘭姐演惡嫲嫲好笑又好悲哀」、「薑越老越辣，羅蘭姐演技真係冇得頂」。

有網民更坦言想不到《衰神》一劇會令人如此感動，「起初以為係小品、愛情劇，原來睇落令人幾『滾動』吓」、「羅蘭姐趕胡鴻鈞走一幕，其實好感人」、「真係好好睇，有幾場睇到喊，間中又搞吓笑，會繼續追看」、「呢套劇有啲禪味」。

{{hket:inline-image name="wu15.png"}}{{/hket:inline-image}}

劇集另一焦點，絕對是C君飾演的202房客阿發，他經常無辜被陳嘉慧飾演的小渝騷擾，兼且長期活在撞鬼陰影之下，每次出場均為觀眾帶來大量驚喜及笑料；尤其因小渝一時情急，將一碗熱騰騰的即食火鍋兜頭淋在阿發身上時，更是令觀眾笑破肚皮！

{{hket:inline-image name="12.JPG"}}{{/hket:inline-image}}

C君接受訪問時表示，該幕絕對是「唏噓多於歡笑」，「首先嗰個即食火鍋你想像唔到佢係凍嘅，因為工作人員唔想淥親我；然後因為佢哋想要麻辣味，但又想啲湯淋落我度時顯眼一啲，所以溝埋番茄味落去，出嚟效果的確好似嘔味！」 又笑指除了皮肉之苦，還要受盡精神折磨，「我拍時受盡陳嘉慧『欺凌』，佢係咁喺我面前笑同影相！我同啲工作人員合作咁多次，從未試過有人要求合照，從未有過少少似藝人嘅對待，但嗰日所有台前幕後係咁輪流走埋嚟同我Selfie，我就成身嘔味，佢哋就喺度笑……」

《拳王》｜鄭子誠甘願為黎耀祥頂罪坐監 新劇首次反串扮女人反差極大【下一頁】

撰文：林惠珊

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】