港鐵商場「連年賞」 消費$1000送電子優惠券

黛安收到風，港鐵旗下嘅德福廣場、青衣城、PopCorn、The LOHAS康城、杏花新城、綠楊坊、連理街、Citylink、駿景廣場、海趣坊、新屯門商場及恒福商場，將攜手推出「連年賞」活動，MTR Mobile登記用戶喺下星期一（1月3日）至31日，喺場內指定商戶用電子貨幣單一消費滿$1,000或以上，即可換領港鐵商場電子優惠券，每人可享高達$500回贈！

德福廣場、青衣城、PopCorn及The LOHAS康城喺農曆年初一至初七，仲會喺場內向MTR Mobile用戶派過萬封電子利市；用戶喺2月去指定港鐵商場及商戶以電子貨幣單一消費滿$888或以上，更可獲8倍MTR分獎賞㖭。

另外，登記做MTR Mobile用戶，以1,000 MTR分即可換領「瑞意呈祥」利市封乙套，利市封設計加入麒麟、龍、鳳凰、靈龜傳統四大瑞獸做主題，希望大家新一年吉祥如意。