梁競徽發圍做名表名車生意 新片睇到尷尬起雞皮：浪費生命

梁競徽（前名梁烈唯）近年長駐內地工作，曾表示在國內生活才能真正體現自由，更揚言有意安排女兒到內地讀書。近年雖然喺電視熒幕唔多見到梁競徽，但其中佢喺內地都一直Keep住曝光率，日前佢拍咗一段搞笑嘅抖音片，就畀網民狠批「無厘頭」。

同場加映：青春本我丨文凱婷孫漢霖比賽冤家變緋聞情侶 築夢限期暫定3年望做出佳績

{{hket:ul-video id="5006"}}{{/hket:ul-video}}

梁競徽喺片中一開始耷低頭，之後突然抬頭，一邊跳舞，一邊唱出「打邊爐歌」：「水滾吃火鍋！（廣東話）肥牛、蘿蔔，一起，下鍋！」佢跟住beat超大力倒食材落煲，搞到蘿蔔飛彈咗出嚟，而肥肉就仲黐喺碟上面，面上嘅表情誇張，「舞步」都好騎呢浮誇，仲Chok到最後。

{{hket:inline-image name="27.jpg"}}{{/hket:inline-image}}

唔少網民睇完都搲晒頭，大彈呢類片段毫無意義：「隔住電話都覺尷尬」、「係咪想學陶大宇另類爆紅」、「睇到起咗雞皮」、「睇完都覺得浪費咗生命幾秒鐘」、「完全笑唔出」。不過都有人buy梁競徽唔介意形象，整古做怪氹觀眾開心。

不過大家有大家笑，佢有佢發達，梁競徽今時唔同往日，上年9月喺尖沙咀區開名鐘表店做老闆，接受訪問時，更手戴全金Rolex Daytona 116508-0013 Green ，又俗稱「黃金綠迪」，機芯採用勞力士4130自動上鏈機械計時恒動機芯，而表面則選用綠色，易讀Chromalight顯示配長效藍色夜光物料，該隻手表的官方價為HK$286,000，但炒價就已逾HK$635,000 。

梁競徽當時得到一班圈中好友前來撐場，包括有陳自瑤、吳卓羲、胡定欣、陳山聰與谷梓喬等，相當熱鬧。梁競徽表示自己入行都有一段時間，身邊有不少好友都對鐘表有很大需求，再加上自己都鍾意，所以就與其他股東一齊合作做生意。梁競徽豪氣表示只要朋友喜歡，價錢可以商量，絕對畀折。

{{hket:inline-image name="85510524-1785-4f8a-a1fb-e6091039874e.JPG"}}{{/hket:inline-image}}

其實梁競徽早有一間鐘表店喺上環，開業一年多達收支平衡就再開分店分店！梁競徽曾預告2022年3月殺入飲食界開私房菜館，私房菜館未開成，但上年11月就又同林峯老婆張馨月一齊於內地投資名車店，睇嚟非常吃得開呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

圖片來源：微博
撰文：黃蘊姿

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}