溫家偉拍劇上埋Netflix家人感光榮 無悔選港男 視陳法拉為偶像

「大隻仔」溫家偉離開無綫兩年時間，在新加坡電視圈發展相當順利，去年參演的劇集《The Last Madame》登上Netflix。家偉視此為事業上一個里程碑，身在美國的家人為他感到驕傲。家偉直言開心但不會卻步，他訂下更遠大目標，望兩年後赴美國荷里活發展，繼續努力，像陳法拉一樣衝向國際舞台。

同場加映：青春本我丨文凱婷孫漢霖比賽冤家變緋聞情侶 築夢限期暫定3年望做出佳績

{{hket:ul-video id="5006"}}{{/hket:ul-video}}

【香港先生】自爆曾因衣著性感被炒 「大隻仔」溫家偉往星州發展做男一【下一頁】

{{hket:inline-image name="untitled-12.jpg"}}{{/hket:inline-image}}

{{hket:inline-image name="kk.jpg"}}{{/hket:inline-image}}

家偉近兩年在新加坡發展，他所拍得電視劇大受歡迎，在當地是人氣演員。近日他短暫返港工作，不忘初心，跟「香港先生」認識的老友們聚會見面。他直言離開無綫之後，感覺到達了另一個新境界，發現世界原來很大，他說：「好開心，除咗拍劇之餘，我仲學埋剪片、執相、拍嘢等等，一冇嘢拍我就去學嘢，增值自己，唔好畀自己停步。所以我啱啱做導演拍咗一個廣告，而家努力剪緊片，生活都幾忙碌！」他沒有想過自己是否「紅」，反而在拍劇的過程中得到成功感，希望得到觀眾認同是一位會演戲的演員。

家偉在美國紐約長大，性格開朗活潑，以往總是予人輕鬆調皮的感覺。為了好好發展事業，他每次接到角色時，總會認真去上堂學師，近日他正為新加坡警察一角作準備，在當地學習武術和開槍的技巧，「好在我喺香港都拍過動作戲，唔算新人，學完見到自己更加進步，真係好開心。」

「大隻仔」溫家偉赴星發展升呢男主角 「好想有自己嘅代表作」【下一頁】

離開香港兩年時間，家偉笑言在新加坡發展，接到英文劇本時，「放鬆得多」，雖然看得懂中文，但部分四字成語真的要睇幾次才會明白，「喺TVB算捱過一段時間，出咗嚟發展呢個選擇係啱，有機會試唔同嘅嘢！（後悔選《香港先生》？）冇！我永遠唔覺得自己揀嘅嘢係錯，不過人生……揀完就冇得返轉頭，諗吓將來仲好啦！我參加《香港先生》認識到好多朋友，唔係呢個比賽，我諗自己都唔會入行，如果唔係媽咪鼓勵我參加，我可能繼續教高爾夫球都唔定。」

{{hket:inline-image name="untitled-7.jpg"}}{{/hket:inline-image}}

家偉坦言《The Last Madame》（《最後的媽媽桑》）在Netflix上播放，對他而言是事業上里程碑，因為好多不同的國家都能夠收看。因為疫情，他跟身在美國的家人已經兩年沒有見面，只能每天視像通訊，互相打氣，家人也替他感到光榮，家偉說：「我好開心，希望繼續向西片方面發展，希望過幾年返美國荷里活試試，見到陳法拉咁成功……其實以前有機會同佢拍嘢已經好開心，佢一路一路行，去到拍Marvel！所以無論你邊度出身，只要有目標同夢想，乜都有可能。對我嚟請，Marvel真係好遠，完全係另一個世界，陳法拉做到……所以有夢想就要去追，唔追永遠唔知會唔會成功。」

{{hket:inline-image name="untitled-15.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

場地：MOZY Cafe & Bar 
攝影：黃紫維、王華婷
責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}