盧海鵬入養和通波仔 古天樂埋單找數

邊個話娛圈人情紙咁薄？最起碼你喺古天樂身上會看見人間有情，多年來古仔在內地已興建超過一百間希望學校，如今更擔任演藝人協會會長，致力為藝人謀福祉，而古會長真係坐言起行架，近日資深傳媒人汪曼玲就喺微博透露，原來去年尾鵬哥盧海鵬入醫院做通波仔手術，成廿幾萬手術費都係古仔先埋單。汪曼玲寫道：「他（鵬哥）本來還不想入院通波仔，拖了一個多月，拼命做運動睇下自己有冇唔舒服。後來古天樂、杜琪峯約他吃飯，不斷勸他入院，並説錢方面不用考慮。他住養和6人房埋單廿幾萬，古天樂先埋單，後來鵬哥搞保險賠償。」汪姐仲話從呢件事睇得出咩嘢叫人間有情。

古仔好人成咁，難怪佢奪得「叱咤我最喜愛的男歌手」後，成班老友人薛凱琪、余安安、王君馨同阮兆祥等都為佢搞慶功宴，仲訂製咗個寫住「MR. KOO，CONGRATULATIONS」嘅蛋糕賀古仔啦！

{{hket:inline-image name="da.jpg"}}{{/hket:inline-image}}

{{hket:inline-image name="ggg.jpg"}}{{/hket:inline-image}}