中環街市初創慈善聖誕市集 大型倒數活動迎新年

中環街市開幕以來，黛安已去過幾次，公關姊妹話，即日起至明年1月16日，中環街市打造咗8米高嘅巨型聖誕老人同馴鹿裝置，仲會掛滿心形燈飾，以愛照亮全城。屆時仲有唔少精采表演、市集及慈善活動㖭，市集滙聚唔少身心靈健康品牌，亦會同樂餉社合辦食物收集活動並捐贈畀有需要人士。其中下周五（24日）至31日舉辦嘅初創慈善聖誕市集，約有24組初創精英及唔同界別商戶參與，市集嘅收益扣除成本後，將全數捐畀慈善機構。

另外，即日起至31日，喺場內商戶即日以電子消費滿$600，可換領$50消閒購物及$50餐飲現金券各1張，先到先得㗎。12月31日晚中環街市亦有大型倒數派對，到時會有煙火滙演及精采表演，陪大家迎接新年！