《食神》經典角色｜薛家燕再以「味公主」登場拍廣告 孫仔Julian腳頭好突擊探班𠱁嫲嫲

薛家燕早年於星爺電影《食神》中飾演「味公主」，至今仍為人所津津樂道，去年8月便以相關造型擔任月餅的代言人。家燕姐可謂魅力不減，今年獲另一間廣告商睇中，力邀再以「味公主」登場，而負責幕後拍攝的是兒子石耀庭（Jackson）；不過最重要是當日有神秘嘉賓探班，令家燕姐拍得更加投入又開心。

{{hket:inline-image name="K8S4A6194.jpg"}}{{/hket:inline-image}}

{{hket:inline-image name="8S4A5922.JPG"}}{{/hket:inline-image}}

同場加映：十月初五的月光｜50歲康華渴望再當上女主角 「一定要保持住呢個heart」

{{hket:ul-video id="4852"}}{{/hket:ul-video}}

薛家燕今年5月開心抱孫，二仔石耀庭的太太陳素怡（Zoe）誕下兒子Julian，為一家人帶來不少歡樂。家燕姐日前為客戶拍廣告，再一次以「味公主」扮相出場，期間新抱仔Zoe抱住Julian來探班，𠱁得嫲嫲笑逐顏開，見家燕姐不停同Julian說話：「我係嫲嫲！佢嚟探班，係咪呀？哈哈哈，有無睇到爹哋拍嘢？嫲嫲係咪好靚呢？係咪呀，靚到流口水呀，哈哈哈！」家燕姐又話有幾日無見，很記掛住孫仔，趁機會同Julian玩樂。

《歡樂滿東華》｜港姐冠軍宋宛穎與《聲夢》好友Sherman及Lolita再度同台 薛家燕讚大個女：真係青春貌美【下一頁】

對於新一輯的廣告拍攝，家燕姐表示：「好開心，舊年大家合作係好成功，得到好多朋友同fans捧場，大家都認為係新年送禮嘅佳品，當然今年佢哋又搵番我，係一件好開心嘅事。今年就多咗盆菜，而家因為疫情就唔多出去食飯，一家人喺屋企團圓食盆菜就最好不過，佢哋用料又好上盛。佢哋仲有個『撈山』，我哋香港人就叫『撈起』，都係好意頭，大家都希望生意興隆，樣樣風山水起。今次係拍得好開心，半途有個神秘嘉賓出現，就係我孫仔Julian，哈哈哈，我新抱帶佢嚟探班，今年又係我個仔幫手拍攝，而我哋就玩咗一陣，我好想嗌佢入埋鏡，當然我個仔話『唔好啦』，哈哈哈，剩係我拍就夠。（事前知孫仔會來探班？）我唔知，幾好呀，又拍得好順利，呢個孫帶旺我㗎，而今次廣告我介紹美食，會有《食神》『味公主』扮相出場。」

（↓點擊放大睇圖片↓）

此外，家燕姐上月曾分享她湊孫樂，對住Julian唱《皆大歡喜》，Julian跟住嫲嫲歌聲不斷叫喊，十足和唱一樣，畫面相當搞笑。家燕姐開心留言：「我的孫兒剛好五個月，竟然可以同我合唱《皆大歡喜》！真係『人生多驚喜』。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}