薛家燕搞笑基因隔代遺傳孫仔 兩個月大髮量似森林表情多多

71歲人見人愛嘅薛家燕喺今年5月尾榮升嫲嫲，家燕姐大仔石耀庭同新抱仔陳素怡（Zoe）一索得男，二人於2018年結婚，去年Zoe認懷孕。孫仔Julian出世之後，家燕姐即刻同大家分享喜悅，大方喺IG post兩張相片，一張係佢抱B照，另一張係家燕姐阿仔石耀庭與新抱嘅抱B照，睇見到覺得好warm呀！

{{hket:inline-image name="e32020f421e0a794fb46f62d4587d266.jpg"}}{{/hket:inline-image}}

不過家燕姐IG開心share咗一次之後，未知係咪尊重阿仔同新抱私隱，就冇再post孫仔嘞！唔少粉絲都十分好奇而家Julian係乜嘢樣呀！日前Zoe生日，終於忍唔住「出手」曬一家三口嘅溫馨慶生照！相中嘅Julian髮量多到成個森林咁，仲要多多表情，真係勁kawaii！睇真啲，「Julian表情包」同家燕姐平時嘅鬼馬表情真係超級似樣，睇怕都係隔代遺傳到家燕姐嘅搞笑基因，一樣都係咁人見人愛呀！

相中嘅另一個焦點，就係石耀庭送畀Zoe嘅生日禮物，照片中嘅一角見到一大盒橙、啡色嘅禮物，睇真啲係名牌Hermès，雖然唔知裏面裝啲乜嘢，相信一定價值不菲，真係識做兼錫老婆，抵讚！

其實唔止石耀庭，奶奶家燕姐都錫到呢個新抱仔加零一，佢饋贈阿仔、新抱殷樺花園，單位相鄰家燕姐屋企，方便互相照顧、互相探望；家燕姐仲話煲湯水拎過隔籬好方便，又同佢哋各自有私人空間！關係嘅嘢，從來都係相向，家燕姐咁好，因為新抱仔都好好，家燕姐曾經講過：「我新抱好懂事、好乖巧，覺得係我同阿仔嘅福氣。」

同場加映： Jer@MIRROR推出人生第一張慈善碟 歌迷呻斷貨望再加印

{{hket:ul-video id="3816"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】