黃伊汶親解當年拒絕陳國坤求婚原因 「對女人嚟講唔係一個驚喜」

黃伊汶早前接受陳敏之YouTube節目《chi chat》訪問，暢談老公陳國坤的相處之道，對於老公當年先後4次向她求婚，她才肯答應，黃伊汶說：「佢第一次求婚求得好差，我話我考慮吓先。」

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

{{hket:inline-image name="5.jpg"}}{{/hket:inline-image}}

黃伊汶在2003年與陳國坤因為拍戲而相識，拍完之後，兩人並沒有聯絡，直至2007年至2008年再遇，大家才開始交往，她說：「佢基本上成日都唔喺香港，到我同佢開始拍拖，佢都有番咁上下年紀，有番咁上下成熟。佢散發一種感覺，就係能夠畀到另一半安全感。就算佢去拍嘢，走幾個月，我哋有個習慣係每一晚都開住電腦（視像），佢喺酒店度做佢嘅嘢，我做我嘅嘢，大家開住電腦到天光；無論佢喺邊，（感覺）大家都好近，報到方面，佢做到好足，咁多年都係咁樣維持。」

黃伊汶生意賣盤全心照顧囝囝 陳真要求半夜叫起身原因勁冧豬【下一頁】

提到陳國坤先後4次求婚，黃伊汶指第一次求婚好差、好搞笑，她說：「第一次求婚喺Yumiko（鄭希怡）屋企，嗰晚啲男人已經商量好晒一齊求婚，Andy （Yumiko老公）同Yumiko講『今晚小龍（陳國坤）打算同Emme（黃伊汶）求婚』，小龍又同我講『今晚Andy打算同Yumiko求婚』，佢哋覺得咁樣營造……畀我同Yumiko有個驚喜；首先，呢個係幾差嘅驚喜，我覺得timing未到囉！嗰陣時Yumiko已經咗應承Andy，大家就好高興啦！最後輪到小龍，我就話『我考慮吓先』，因為對女人嚟講，呢個唔係一個驚喜，所以Yumiko結婚先。」

【停課不停學】黃依汶為陳真設計障礙賽放電 意外令超大複式豪宅曝光【下一頁】

{{hket:inline-image name="15.jpg"}}{{/hket:inline-image}}

{{hket:inline-image name="16.jpg"}}{{/hket:inline-image}}

陳國坤未有放棄，直至有一年為黃伊汶慶祝生日時，在沒有其他人的情況下，他再求婚一次，結果這次黃伊汶答應了，兩人於2014年在峇里島花了百萬元舉行盛大的婚禮，兄弟姊妹團包括應采兒、鄭希怡、何嘉莉及王合喜等，當時陳國坤愛的宣言是這樣的：「以前相戀是我與Emme的事，成婚以後就是我們兩家人、家族的事，以後做任何決定的時候都是以家為先，兩家人一起相親相愛直到永遠。」並在2016年誕下兒子陳真。

黃伊汶頒好男人獎畀老公【下一頁】

{{hket:inline-image name="14.jpg"}}{{/hket:inline-image}}

陳敏之、黃伊汶都是高妹一族，原來兩人都有腳長的煩惱，後者笑言「想自己矮啲」，她說：「我哋（她與陳敏之）係173、174cm，我覺得男仔心目中最理想嘅身高係168cm，穿高踭鞋啱啱好變成一個高妹，呢個係最好。」陳敏之透露讀書時，自己的外表經常被同學取笑，她說：「嗰陣時我好黑，同埋勁爆瘡，成個黑人咁啦！跟住仲有少少手毛，總之好似怪物咁，（同臬們）寸我、笑我，我曾經同媽咪講過『有冇手術可以割短啲對腳』，當時我覺得自己係異形。」黃伊汶好似身同感受一樣，笑謂：「喺我15、6、7歲嘅時候好高，好多時拍自己個頭，真係唔想咁高。同埋自己174cm，90幾磅，好瘦，你諗吓幾恐佈。」最後表示雖然老公高過她少許，但在扶手電梯時，她也會叫老公站高一級，讓她感受一下，向上看另一半的感覺。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}