【愈大愈靚】譚嘉儀否認整容靠3招瘦面 被指撞樣陳秀珠：係我嘅榮幸

譚嘉儀2011年參加《超級巨聲3》奪取季軍而加入娛樂圈，入行９年嘅佢一直都「深耕細作」，除咗不停有音樂作品面世之外，甚少有花邊新聞。

{{hket:inline-image name="02_300x500.jpg"}}{{/hket:inline-image}}

（網上圖片）

{{hket:inline-image name="02_500x500.jpg"}}{{/hket:inline-image}}

（網上圖片）

不過日前譚嘉儀就成咗討論區熱話，事關網民發現佢近幾年愈嚟愈靚，出道時嘅包包面完全消失，面尖尖之餘，五官都立體晒，仲話依家嘅佢同陳秀珠好相似添。有人質疑佢係咪後天做咗「手腳」先有依家呢個靚樣！

{{hket:inline-image name="107868750_280285026417210_579037528759269788_n.jpg"}}{{/hket:inline-image}}

(譚嘉儀IG )

譚嘉儀接受本報訪問時表示一啲都唔介意，仲覺得係一個讚美：「其實我見到都覺得好搞笑，同埋好得意嘅話我似秀珠姐，自己都好開心，因為秀珠姐好靚啦，同埋我都好想有機會可以搵佢影張相，因為啲網友話我哋似樣，絕對係我嘅榮幸嚟嘅。」

{{hket:inline-image name="rdn_5125792e76ed3.jpg"}}{{/hket:inline-image}}

陳秀珠（網上圖片）
嘉儀仲分享自己係點樣由麵包超人變索：「其實呢兩年自己都做好多運動，淨係食菜食肉，狂做運動，做上網睇３０分鐘啲片，消脂消得好勁，所以嗰排啲人都話我暴瘦咗好多，之後都一路Keep住。」

{{hket:inline-image name="103974876_102796818109322_7583397078995994302_n.jpg"}}{{/hket:inline-image}}

(譚嘉儀IG )

除咗靠節食同做運動瘦身之外，佢仲好揼本去做美容療程：「因為我都覺得自己以前個Baby Fat好勁，我都有成日去做瘦面機，Hi-Fu、緊緻Facial，其實都好夠，唔使去整容，整容我係絕對冇嘅！」

{{hket:inline-image name="UiZNES5EcZu0PaNk5ZnvLXYzIMnd8L2I7S3BShpU04HIT1525364309513.jpg"}}{{/hket:inline-image}}

陳秀珠（網上圖片）

嘉儀話大家如果覺得佢靚咗佢都好開心，多謝大家咁關心佢，亦冇因為大家懷疑佢整容而覺得困擾：「唔會唔開心，覺得有人談論同埋有人注意到我有轉變係好事，證明大家都好留意，自己知道自己冇（整容）就OK啦，人哋要講咩都控制唔到。 」

撰文：黃蘊姿