黃伊汶生意賣盤全心照顧囝囝 陳真要求半夜叫起身原因勁冧豬

久未在幕前出現的黃伊汶，最近接受陳敏之YouTube節目《chi chat》訪問，談及兩人的相識經過，黃伊汶笑言真的記不起，陳敏之說：「我哋一直都冇合作過，但我哋有共同朋友，例如應采兒、梁競徽太太、黎諾懿，當時我哋都有去唔同嘅聚會，所以就認識咗。」黃伊汶指現時聚會的原因，大多都是因為小朋友的關係。

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

{{hket:inline-image name="8.jpg"}}{{/hket:inline-image}}

{{hket:inline-image name="9.jpg"}}{{/hket:inline-image}}

黃伊汶在2014年與陳國坤結婚，2016年誕下兒子陳真，陳真今年已經5歲大。她表示自結婚生小朋友，一切以家庭為先，從而令生活模式有所改變。陳敏之問她：「你係咪天生識湊仔？」黃伊汶說：「冇人天生識湊仔，我係睇好多育兒書，我仲會save起一啲有道理嘅文章，去提醒自己，用咩方法去湊小朋友先啱？因為生咗小朋友出嚟，我哋要對佢負責任，教育小朋友有一個好嘅習慣，自然會影響到佢，擁有到好嘅性格；性格影響命運，因為我老公以前係一個好chill嘅人，所以我會同佢商量點樣教個仔，呢個係我哋做父母應該要做嘅。」

【停課不停學】黃依汶為陳真設計障礙賽放電 意外令超大複式豪宅曝光【下一頁】

兒子陳真是個窩心的小男孩，黃伊汶冧笑說：「星期一至星期四，佢自己瞓，星期五、六就同我哋一齊瞓。但佢有個習慣，每晚要我哋叫佢去厠所，佢話爸爸要去佢間房，拖住佢隻手去厠所，然後我就要喺佢張床度陪佢10分鐘，我哋通常喺凌晨3、4點就會叫佢，有時見佢熟睡，就冇叫醒佢。但陳真係一個好長氣嘅小朋友，好似80歲咁長氣，我問點解要叫佢，佢話因為『想見到你同爸爸』，然後老公講『呢單嘢，我哋要叫佢，既然講到咁』。」陳敏之說：「因為你老公成日唔喺香港，佢好掛住，小朋友好鍾意爸爸媽媽兩個一齊陪佢。」

蔡一傑罕談患癌媽媽過身經歷 崩潰：我好似一個活死人【下一頁】

{{hket:inline-image name="30.JPG"}}{{/hket:inline-image}}

{{hket:inline-image name="31.JPG"}}{{/hket:inline-image}}

黃伊汶在1999年年底出道，當時推出第一首歌曲《戀愛拼圖》，及後被封為「少男殺手」，而另一首歌《戒男》更唱到街知巷聞；直至2009年，黃伊汶有感已推出數張唱片，自己是否可以去嘗試其他事，當時她找到一個手錶品牌，加上自己對該產品有興趣，於是開始推銷工作，轉型當商人；生意上了軌道後，她更將整個品牌買回來，設計、生產、代理、批發，因為太多事要兼顧，就決定慢慢退出娛樂圈。直至2020年年初，她把品牌賣給別人，黃伊汶說：「難得有人賞識呢個品牌，希望可以將品牌帶到去另一個地方，上年開始stop咗手錶生意，真係喺呢一年，我先可以專心去湊大陳生同小陳生。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}