致命24小時｜湯怡演盲女重現沖涼香艷場景 致敬葉玉卿網民嫌棄：難以超越

由「旺角活地亞倫」葉念琛執導，湯怡主演的《致命24小時》即將上映，首張海報湯怡一身性感造型被綁喺椅上，旁邊更寫上警告︰「不要把老婆獨留家中，否則後悔莫及！」

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

日前湯怡再公開第二版海報，除咗造型依然性感，海報更披露戲咗兩位男主角，分別係潘燦良和吳卓羲，相信燦Sir就係戲中禁錮湯怡嘅反派。

{{hket:inline-image name="6eFuKnQNvTAw9DdIz5qaHUQxJAdj-GU65RHLXeURy10.jpg"}}{{/hket:inline-image}}

湯怡早前已在IG貼出《致命24小時》初版預告，落實上畫日為出年1月6日，而海報中更見多幾位演員名，包括潘燦良、吳卓羲、何珮瑜、林盛斌、張建聲、岑珈其及孫慧雪，其中潘燦良及吳卓羲造型更出現在海報上。故事大綱係講失明嘅阿寶獨自留喺大屋，經歷咗人生最難忘嘅24小時！

《致命24小時》不禁令人聯想起1993年上映由黃秋生、葉玉卿主演嘅《盲女72小時》。《致命24小時》電影前名為《盲女驚魂》，湯怡喺戲中飾演一名失明人士，同當年卿卿一樣全片着住性感吊帶裙同犯人鬥智鬥力，兩套戲好多共通點！

《盲女72小時》講到葉玉卿在眼疾開刀後暫時失去視力三天，醫生丈夫因開會將佢獨留家中。此時神秘男子黃秋生突然闖進葉玉卿家中，將佢玩弄於股掌之中，而原來黃秋生並唔係隨機搵到葉玉卿，而係要報仇。葉玉卿即將遭遇不幸淪落魔掌時，竟突然重見光明，最後用屋內環境同黃秋生展開生死鬥。

《盲女72小時》當年有唔少場景都令人留下深刻印象，包括葉玉卿沖涼嘅時候黃秋生就正正企喺佢背後，但佢就懵然不知，真係極度心寒！而《致命24小時》預告片可見，湯怡都有向呢一幕「致敬」，不過卿卿珠玉在前，網民就似乎唔多buy《致命24小時》，留言討論：「湯怡完全冇『性感尤物』嘅氣質。」、「條橋已經冇晒驚喜。」不過唔少人都期待「舞台劇王子」燦Sir點樣演繹秋生嘅變態佬角色！