現年81歲的吳耀漢是香港知名喜劇演員，電影方面代表作有《五福星》系列，電視則有整蠱節目《吳耀漢攪攪震》，皆為觀眾所熟悉。吳耀漢近年仍有參與電影拍攝，可是產量不多，皆因年紀大、身體出現不少毛病，更曾因心臟血管栓塞要做手術，而腎功能只剩約一成，每日要洗肚4次。今次他接受鄭丹瑞《健康旦》的訪問，更透露其聽力衰退，下降大約有七成，現在兩邊耳均需要戴助聽器。
同場加映：九龍城寨‧圍城│洪金寶冇關心譚詠麟桃色新聞 林峯冧住爆囡囡學講：Daddy叻叻
{{hket:ul-video id="4776"}}{{/hket:ul-video}}
談到何時開始覺得聽力衰退？吳耀漢說：「其實我諗我同好多老人家一樣，就係我哋唔承認呢個缺憾，可能十幾、廿年前開始有問題，屋企啲音響會越嚟越大聲，聽電話時就成日『喂，咩話』，即係自己唔為意，你聽得唔清楚，自己又會大聲啲，呢個情況可以係慢慢，有成十年咁長，係一個退化期。我就一路唔理佢，到我知係問題都唔理佢，唔理佢咁點呢？屋企（音量）就大聲啲，我老婆就慘，佢就啱啱相反，佢聽覺好尖銳，成家人就要忍受呢個好響（聲音），睇電視你可以較好（音量）適應自己，有啲聲音就唔得，唔可以較大，成日聽唔到電話，老婆話『你電話響』，哈哈哈！」
《舊日的足跡》｜吳耀漢兩女涉藏毒先後被捕 爆父親有食鴉片習慣：嗰時好普遍【下一頁】
吳耀漢最終也接受這個「缺憾」，明白年紀大會陸續有很多病出現，「我呢啲係年紀大嘅問題，係神經退化，而家兩邊（聽力）下降咗大概70%，但唔係全部下降，係某一啲音聽唔到，有啲音就聽得好清楚，有大有細……而家活在我嘅年紀，啲病會陸續嚟，啲零件都要換。（最初戴助聽器有否不慣？）最初開始時係死硬頸，直情唔肯戴，直至老婆忍唔到，買咗一個（助聽器），我點解唔戴2個係嫌佢煩，以為戴1個就ok，幾好都聽到，後來戴戴吓都要2個，哈哈哈！其實係自己呃自己，2個直情係無得頂。同埋而家有個app可以較大細聲，有咗呢2個嘢之後覺得，真係可以（聽）咁清楚嘅。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="12021001.jpg"}}{{/hket:inline-image}}
- {{hket:inline-image name="1024_0a8f3741e9f33bcf3ee68d4d6c2ffb67.jpg"}}{{/hket:inline-image}}
- {{hket:inline-image name="12021003.jpg"}}{{/hket:inline-image}}
- {{hket:inline-image name="12021005.jpg"}}{{/hket:inline-image}}
- {{hket:inline-image name="12021007.jpg"}}{{/hket:inline-image}}
- {{hket:inline-image name="12021006.jpg"}}{{/hket:inline-image}}
- {{hket:inline-image name="1024_7ff4c637ec28b3e34f11ba3d16f98c48saasftp20200221.jpg"}}{{/hket:inline-image}}
- {{hket:inline-image name="1024_29082a8aac98297218a9e55d9342dc2b.jpg"}}{{/hket:inline-image}}
至於有甚麼忠告給不肯戴助聽器的硬頸派，吳耀漢笑說：「我發覺唔一定係女人硬頸、驚畀人睇到，係啲男人先至硬頸話費事，咩叫費事？聽得唔好係你蝕底喎，你睇戲又聽唔晒，唔到你話費事，男人就係咁樣。無可避免個個人聽覺係越來越差，你諗住去整1個（助聽器），不如整2個，好多人話幾十歲男人驚唔好睇，驚畀人睇到有嚿嘢喺後面，邊睇到？（過馬路時聽不到司機響號仲危險？）聽唔到㗎，好危險！呢個病係無人知，你無辦法解釋，人哋遇到你、你又唔知，以為叫你唔睬人，而家無呢啲問題，一天都光晒。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】