《舊日的足跡》｜吳耀漢兩女涉藏毒先後被捕 爆父親有食鴉片習慣：嗰時好普遍

吳耀漢大女與二女疑因涉及毒品案件先後被海關拘捕，事發前吳耀漢曾接受車淑梅港台節目《舊日的足跡》的訪問。他在節目中大方表示父親當年撈偏門起家，有吸食鴉片的習慣但那個年代是普遍、眾所周知的事。

{{hket:inline-image name="163634549_10161063492597729_3880539502013039336_o.jpeg"}}{{/hket:inline-image}}

吳耀漢爸爸當年在社會上有頭有面，亦有不少圈中朋友。他位於山林道的大宅常有明星拜訪，：「有張英、梁醒波、新馬仔之類嚟，李小龍都行埋一邊。」問到當年是否認識李小龍？他說：「嗰時小龍老竇同我老竇熟啲，因為佢哋大家一齊『追龍』（吸食鴉片），佢哋都有呢個『興趣』，嗰時好普遍，好多做戲都有呢鋪癮。」他更表示當年寄宿所住的房間便是爸爸的煙房之一。

吳耀漢笑指自己好蠢，童年時沒有察覺家境富庶，直至15歲時到英國寄宿學校讀書，突然想到4兄弟同讀英國最貴的寄宿學校，才發現到自己生於大富之家。他又指當年爸爸指香港最缺乏醫生，跟他們4兄弟表示最好到英國讀醫科，結果有2位哥哥讀完醫科，而他讀了1年牙醫後便覺得就算畢業，也不享受成為牙醫，反而鍾意演出。「嗰時我好鍾意睇戲，見到演出就覺得係好玩世界，越去分析就越吸引。」

{{hket:inline-image name="13f4fb65a9e031af708855d164b4302asaasftp20200221.jpg"}}{{/hket:inline-image}}

他又提到以前他與朋友一齊去睇相，被相士批中他35至50歲會行15年大運，有名有利。他回想起當年為亞視拍經典節目《吳耀漢攪攪震》時，一輯13集有100萬的報酬。「1989年我同佢拍咗3輯，後尾佢寫咗一個劇集畀盧海鵬拍，嗰時盧海鵬啱啱過檔，但佢合約唔准佢拍住。我就頂硬上，睇錢份上話好，我就咁一年喺亞視搵咗400萬。」

(點擊放大 睇圖片)

現年81歲的吳耀漢近年深受腎病困擾，他亦提到自己心臟有問題，曾接受心臟手術。「之前未做手術前，行都冇氣力，唞氣又差咗，因為心臟血管栓塞咗。」他指有個朋友介紹醫生給他，「見完醫生3日後就做手術，早上入去，中午做，留1晚觀察就走得，覆診時醫生話有3條血管供血畀心，我1條塞咗，依家嗰2條血管嘅問題都解決晒，話我有排都冇事。」

節目主持車淑梅今日就吳耀漢訪問在FB表示，有人曾要求相關訪問延期播出，但她不同意。「今早播放專訪之前，有外面聲音要我考慮延後播出……我並不同意，原因錄音在事發前，而且吳耀漢哥哥本人的故事充滿正能量，況且事件未清楚，我想無論怎（樣）的事情也不應牽連父母……」

海關追蹤包裹到村屋揭大麻種植場 拘捕吳耀漢52歲女兒 【下一頁】