TVB大寶藏｜汪明荃初來港不適應同家人生疏 四哥揚言唔欣賞阿姐性格

阿姐汪明荃（Liza）是無綫鎮台之寶兼視后，上月在無綫台慶的大日子，更獲主席許濤頒發「TVB 50周年金禧服務大獎」，可見公司重視她的程度。無綫Facebook「TVB大寶藏」最近亦重溫阿姐一些舊訪問片段，更包括四哥謝賢、著名監製王天林、資深製作人蔡和平及至八會成員毛舜筠對她的睇法，讓觀眾對阿姐有更深認識。

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

{{hket:inline-image name="1024_c5b0739a-afce-488a-94ac-1eba8b6b1803.jpeg"}}{{/hket:inline-image}}

{{hket:inline-image name="12012017.jpg"}}{{/hket:inline-image}}

片中先播出1997年《城市追擊》的訪問，帶出阿姐的成長過程。1947年在上海出生的她，直至1956年才來香港定居，初期同其他新移民一樣並不適應生活，阿姐說：「嗰時大概9歲，好似而家啲新移民咁，主要唔習慣嘅原因，就係你去到陌生地方，其次我其實同爸爸、媽媽、家姐同細佬都唔係咁熟識，因為我自細就畀我祖父祖母湊大，同佢哋就好生疏，即係5、6年先一家人團聚。我係好慘囉，除咗適應地方，仲要適應人……語言梗係（要適應），我係鄉下妹嘛。」負責訪問的主持人鄧梓峰，旁白時提及阿姐在1967年加入演藝界，憑住堅毅鬥志克服生活上困難，演活不少家傳戶曉的角色，獲得超然成就。

萬千星輝賀台慶│汪明荃獲頒50年金禧服務大獎 李芷晴性感登場抽中38萬【下一頁】

之後在1995年《汪明荃春風得意夜》的節目片段，就由監製王天林及四哥謝賢講他們同阿姐合作的感覺。當被問到阿姐有否缺點時，王天林在鏡頭前說：「搵缺點都幾難，佢好固執，呢樣就係缺點嚟。」在旁四哥搞笑補充：「我唔同意嘞，我一啲都唔欣賞阿姐性格，因為佢個人好倔強，同佢拍戲時成日畀佢噴到一臉屁。（阿姐即場嬌嗲否認，聲稱好尊重四哥。）有好多例子，唔出得街嗰啲。」當然四哥只是搞氣氛，他們現實中感情要好，阿姐更是女兒謝婷婷契媽。

阿姐入行30年曾推出紀念歌曲《荃心荃意》，此曲更由著名填詞人小美填寫，小美在受訪片段中透露當中歌詞「念舊不善變」，是送給阿姐老公羅家英的，她說：「無論你點樣，佢而家都係企喺你身邊。」可謂相當有意思。

汪明荃打風爆買儲糧塞滿買餸車 街市入貨被讚貼地：阿姐最親民【下一頁】

至於到2007年阿姐入行40年時，無綫亦安排《娛樂直播》主持人王賢誌訪問，又製作專輯《我係汪明荃》，請來阿姐的「至八會」好友鄭裕玲（Do姐）、毛舜筠及林建明等，大談眾人之間的姊妹情。阿姐被問到40周年並不是容易的事時，她說：「因為我一路喺度做緊嘢，唔係覺得時間過得好快……我覺得自己屬於好好彩，呢份工係我鍾意，所以無論有咩辛酸苦辣，我都唔會覺得咁介意，因為我事業上嘅成功，引導我做好多社會服務，更走入政治，呢樣我完全無計……我覺得係好充實，多謝公司畀我機會，多謝廣大市民對我支持，真係真心說話！」

（↓點擊放大睇圖片↓）

毛舜筠則說：「記得佢去領獎，佢話希望我哋至八會會員可以去支持佢，因為佢已經當我哋好似佢嘅親人一樣，話佢已經唔係好多親人，當我哋親人一樣，我直情係想喊出嚟……從此以後我都當咗佢係親人。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}