TKO Spot+黃阿瑪=不想運動運動會 貓奴萬勿錯過

台灣網紅貓黃阿瑪深受各地fans愛戴，今年底仲會喺香港同大家見面！將軍澳TKO Spot與「黃阿瑪的後宮生活」合作，下星期三（24日）起至明年1月2日會舉辦「不想運動運動會」，以搞笑手法展示都市人懶怠咁運動嘅一面。

黛安知道，黃阿瑪會帶埋後宮到訪TKO Spot，喺各運動場景同大家一決高下。例如商場1樓田徑場就見到黃阿瑪用喵速衝向終點；柚子就化身體操王子，單手於鞍馬玩花式，首次登陸香港嘅新成員小花，就從旁打氣。

場內仲設有限定店，售賣多款獨有嘅貓貓主題產品，更有首次以期間限定店形式發售嘅貓掌肉球湯圓、貓貓鳳梨酥同貓貓蛋撻等。

另外，即日起至明年1月2日，只要喺TKO Spot、TKO Gateway、彩明商場或南豐廣場消費滿指定金額，即可免費換領「不想空肚吃飯」保鮮碗，黃阿瑪亦會喺12月指定日子親臨TKO Spot，同一眾貓奴打卡！如果喺指定日子到「將軍競技場」完成挑戰，仲有機會贏取DECATHLON嘅$50現金券㖭！