天際100長者暢遊攻略 同行享$40優惠門票

天際100香港觀景台早前為慶祝本月21日嘅「長者日」，推出咗「天際樂齡遊」長者免費門票優惠，結果反應好熱烈，天際100最近仲提供咗貼心暢遊攻略，提醒大家門票優惠期為11月，逢周一至五上午10時至中午12時，及本月21日全日適用，但本周四（18日）天際100會全日關閉，出發前記得睇下天際100官網，留意最新嘅開放時間。

老友記要親身出示香港身份證或社署簽發嘅長者卡，先可以換領長者免費門票，而且只限當天即時使用，唔可以提前領票，同時可帶最多3個同行者以$40優惠門票入場。另外，因為「長者日」適逢係星期日，為免人多擠迫，所以建議老友記盡量安排平日去玩，咁就唔使同人逼啦。