陳秀雯（Amy）日前接受港台《一起走過》楊紹鴻同寶珮如訪問，分享多年來的圈中經歷，包括其經典作品《甜蜜如軟糖》為何成為禁歌，以及同台灣藝人馬景濤的不和事件等。
同場加映：張頴康承諾外父加倍愛錫麥雅緻 被封完美暖男：全因遇上對的人
陳秀雯早年以歌手身分推出專輯，當中大熱歌曲《震盪》及《甜蜜如軟糖》因為歌詞惹人遐想，一度成為禁歌。陳秀雯表示：「其實我唱嘅時候，真係一啲呢啲諗法都冇，聞說《甜蜜如軟糖》同某隻糖合作，錄完可能用嚟做廣告歌，當時錄係一路諗住糖，完全冇諗過其他嘢。（填詞人林振強同一想法？）錄音時佢唔喺度，林慕德（作曲人）就喺度，佢話畀我聽要肉緊啲，所以隻歌咁樣唱出嚟。我後尾都有好大疑問，啲人成日話呢隻歌應該係禁歌，唔出得街，我覺得完全唔係，你唔係從嗰個角度去諗，隻歌係一啲問題都冇。直至有日喺街偶遇林振強，我真係行埋去問佢『其實你寫呢隻歌時諗乜嘢？係講緊乜嘢？』，當時佢剩係笑，冇答我，哈哈哈。」楊紹鴻認為林振強已講出答案，陳秀雯卻認為這是聽歌的人的想法，某些人聽就有某些味道。
提到拍攝劇集《天長地久》時同男主角馬景濤鬧不和，陳秀雯話：「一開始就係有人投訴我演員操守，咁就畀佢踩著條神經線，但其實裡面仲有其他複雜元素。真係唔想講，但過程係好得意……其實我覺得馬景濤又唔係好嬲我喎，你問我係咪好嬲佢？我又唔係好嬲佢喎，因為唔係一件你死我活嘅事，但可能當時娛樂新聞又冇咩大事件，所以記者每日陪我哋拍戲，呢件事就霸住咗頭條，好似好大件事囉。」
《健康旦》訪問｜陳秀雯9年前轉型做香薰治療師 唔認揀戲拍：只係遇到啱先做【下一頁】
在旁楊紹鴻指陳秀雯前夫林國雄當時講了一句「要你無運行」，令馬景濤想告人，陳秀雯即解釋說：「當時我有啲相熟記者叫我獨家做一個訪問（回應）就算，講清楚來龍去脈同睇法；點知我去做訪問時林先生接我走，佢因為做過呢行又識得記者，記者就開玩笑話『有人恰你老婆，你有咩反應？』，咁當時香港電影好流行一句說話『要你無運行』，係電影嘅對白，佢以為自己好幽默，純粹講咗句咁嘅嘢……而執筆嘅記者同我唔係相熟，於是變咗頭條。將呢個『波』掟過去時，人哋就覺得來勢洶洶，呢場『球賽』就掟嚟掟去。」陳秀雯指舉行《天長地久》記者發布會時，不和事情已擺平，同馬景濤已經無事。
《教束》陳秀雯隔9年回歸電視圈演副校 前夫欠下巨債走佬沒半句埋怨【下一頁】
陳秀雯現時專注個人香薰品牌生意，不過表明遇到合適劇本就會繼續拍戲，只是未遇到才暫時做其他事情。至於還有甚麼角色想演？陳秀雯話：「就係諗唔到，所以咁唔積極……（癮君子角色？）冇做過，又唔會好特登去做個吸毒角色。可能我係一個古老派，無論做幾大幾細角色都好，當你演出嘅時候，觀眾會用心去睇，你係帶到一個訊息出嚟，演吸毒、妓女都無所謂，問題係呢個角色喺入面帶咗咩東西出嚟。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="6f1b3de2gy1gwc7rknv2fj20u01407dt.jpg"}}{{/hket:inline-image}}
- {{hket:inline-image name="1024_f5f3add5edc1149e8cb328db00da9add.jpg"}}{{/hket:inline-image}}
- {{hket:inline-image name="1024_58244d392dddbdcd9d5808d2d5a0cc12.jpg"}}{{/hket:inline-image}}
- {{hket:inline-image name="1024_e07950ec8c9e6cc556ca6ff1d86ab982.jpg"}}{{/hket:inline-image}}
- {{hket:inline-image name="1024_49677806957adce2b582d20262293b5b.jpg"}}{{/hket:inline-image}}
- {{hket:inline-image name="11151001.jpg"}}{{/hket:inline-image}}
- {{hket:inline-image name="d76f27d6gy1gw83qu61rkj20u0140dmu.jpg"}}{{/hket:inline-image}}
- {{hket:inline-image name="6f1b3de2gy1gwc7rllicdj21400u0wnz.jpg"}}{{/hket:inline-image}}
- {{hket:inline-image name="00229oc2gy1gvqteb0vf2j62js1rwu0y02.jpg"}}{{/hket:inline-image}}
此外，主持人楊紹鴻同陳秀雯這對黃金拍檔，曾合作《再見艷陽天》、《穆桂英》系列、《妳想的愛》及《亂世艷陽天》等，二人這次在電台碰頭，勾起不少劇迷回憶。楊紹鴻接受《晴報》電話訪問，坦言再合作要看緣分，手頭上是有劇本的，但找資金投資開拍又是另一回事，「其實跟陳秀雯由《艷陽天》開始合作，身邊仲有一大班好戲嘅女演員，一路以嚟合作都好開心，大家都想再合作多次，始終年紀唔細；加上化學作用出嚟好靚又好正。不過而家觀眾喜歡睇小鮮肉多，唔知仲有冇興趣再睇老戲骨呢？」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】