荃新天地變身冰雪小鎮 魔雪奇緣角色迎客

黛安收到風，今個聖誕節荃新天地將幻化成冰雪小鎮，下周二（16日）起場內將設有4米高嘅小白許願樹，仲有過百個可愛嘅雪人小白掛飾配搭白雪森林；一眾《魔雪奇緣》嘅經典角色，亦會化身大型塑像喺場內迎接大家，例如走進「冰雪水晶庭園」就會見到愛莎女王，安娜公主則會喺冰雪城堡前現身，粉絲可以盡情打卡。

想體驗冬日飄雪感覺？S+REWARDS會員喺指定日期憑S+點數，即可於「飄雪樂園」與雪人小白一同感受飄雪效果！場內更特設期間限定店，發售多款主題精品，部分更係率先喺荃新天地獨家限量發售㗎，如最新手機保護殼、流動電話充電器連鏡盒等。想知多啲其他精采活動詳情，記得留意荃新天地fb專頁喇。