徐淑敏做人妻12年「複製」老公外貌 眼大鼻大「夫妻相」激似黃浩

夫妻之間面容相似被稱為「夫妻相」，心理學上可以用「變色龍效應」嚟解釋，指我哋會模仿身邊嘅人，而最親密嘅另一半就自然會係「模仿」得最多嘅對象啦！徐淑敏（Suki，現名為徐菁遙）同老公黃浩就係其中一個好例子，二人嘅外貌近年越嚟越相似，大家覺得係Suki似多咗老公，定係黃浩靚咗呢？

{{hket:inline-image name="b0a6f42ee3dc982d7030ae910d453dc8.jpg"}}{{/hket:inline-image}}

2009年Suki同大佢12年嘅富商黃浩認識，兩個月後二人奉子成婚，翌年3月15日誕下長女黃心瑤（Vianna）；2011年5月Suki再次懷孕並誕下次女黃心柔；2014年第三度懷孕誕下幼女黃心誼（Isabella）。Suki不時都會分享家庭照，唔少人都覺得Suki三個女都超似爸爸，留言：「優良遺傳嘅強大基因！」、「你二女好似你老公呀，成個餅印，果然係越大越靚女。」Suki自己都忍唔住回應話佢哋似晒爸爸，話自己「基因好弱」。

不過Suki唔使覺得囡囡似晒爸爸而「呷醋」，因為近年Suki都開始同黃浩似樣，換言之即係全家都好似倒模咁！Suki同好姊妹沈卓盈都嫁入豪門，二人不時都會開party享樂，日前沈卓盈就post出二人合照，有網民發現Suki近年唔同咗樣，特別係個鼻。Suki出道時鼻頭比較圓，近年鼻尖咗又大咗；而本身都眼大大嘅佢雙眼再大咗，似足老公黃浩，勁有夫妻相！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】