賭命宣言｜陳柏宇指20歲識符曉薇9成9會分手 「玩命」爆老婆成日食過期麵包？

陳柏宇（Jason）最近進軍YouTube，推出名為《陳伯吹水台》的節目，拍片解答網民嘅情侶相處問題。

{{hket:inline-image name="chan11.png"}}{{/hket:inline-image}}

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

有網友問到：「如何確定另一半是對的人？」Jason就指第一係「感覺」，第二係「緣分」，「單單係香港有10萬個符合你對另一半要求嘅人存在，你都要識到呢10萬個人先得。有緣分去認識已經係一件好了不起嘅事。」

{{hket:inline-image name="chan3.png"}}{{/hket:inline-image}}

佢又以自己為例子，「點解老婆符曉薇（Leanne）會係呢個人（對的人），點解緣份可以解釋晒？因為之前拍拖都冇一個近乎完美嘅方法去處理感情之間嘅問題。我哋唔係無呢啲問題，但我哋可以避免一啲致命問題。」

Jason之後又話：「如果20歲遇到Leanne，分咗手啦！九成九會分手。我唔會頂得順佢某啲嘢，如佢鬧交嘅方法我係搞唔掂，佢係無賴。但而家我緊係頂得順，呢個係佢性格，我就係鍾意佢呢啲！畀挑戰我先會成才，唔單止感激，仲娶埋佢！」言論相當「玩命」！

{{hket:inline-image name="chan6.png"}}{{/hket:inline-image}}

陳柏宇太太符曉薇鬧爆老公嗌離家出走 兩人即開直播解畫已和好如初【下一頁】

有位網友留言：「阿媽話我成日食垃圾食物無益，但佢自己成日食啲過期麵包，甚至叫我食。」Jason睇完留言後大笑，並爆料指老婆都係咁。「我話麵包過咗期，佢話麵包過期唔怕。老婆叫我食，我就話我唔食喇，但我唔介意你食。第一，你唔好逼我食；第二，你唔好逼我個女食。你想食過期麵包冇問題，隨便啦！」

孖囡囡開直播｜陳柏宇1,500呎大屋內貌曝光 特大衣帽間落地玻璃俯瞰開揚景觀【下一頁】

撰文：林惠珊