YOHO MALL聖誕燈光裝置 炫彩森林星光長廊奇幻浪漫

下個月就係聖誕節，黛安聽聞好多商場已籌備緊聖誕裝置同活動，其中YOHO MALL由今個月13日至明年1月2日，會特別打造夢幻光影之旅，YOHO MALL I中庭將化身成「炫彩奇幻森林」，全場以光影技藝塑造多個炫彩燈光裝置，猶如置身視覺藝術空間，情侶們可以喺6米高嘅「極光炫彩玻璃聖誕樹」下打卡，夠晒甜蜜。

至於YOHO MALL II中庭就會變身「仙子們的秘密花園」，聖誕期間會限定展出4.5米高巨型「永恒聖誕花」，商場仲會將夢幻聖誕氣氛帶到戶外，打造15米長「仙子星光許願長廊」，長廊掛滿精緻燈飾，喺度同情侶或閨密談心真係好浪漫，仲可以影返輯仙氣滿滿嘅靚相㖭。

此外，The Point by SHKP會員喺場內以電子貨幣消費滿指定金額，即可換領購物贈券套裝，例如消費滿$6,000可換$300購物贈券套裝，當中包括$100新地商場贈券、$100 YOHO MALL美容贈券及$100潮流服飾及嬰兒用品贈券。