莫可欣開腔否認生小朋友為箍老公方中信 「我唔係有機心嘅人」

早前擔任今屆港姐導師的1993年港姐冠軍莫可欣，昨晚（28日）接受「港乜姐講乜嘢」訪問。莫可欣在1996年與方中信（原名符力）相戀，2008年結婚前宣布懷孕，隨即傳出莫可欣懷孕是要設陷阱給方中信，目的是要箍住對方。

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="35.jpg"}}{{/hket:inline-image}}

{{hket:inline-image name="34.jpg"}}{{/hket:inline-image}}

相隔13年後，受屈多年的莫可欣終於就此事開腔並否認，她說：「因為我哋有養狗，覺得唔需要有小朋友，但其實好坦白講，生活有少少刻板，返工放工，但我有咗迦晴（女兒），唔係外面人講話我設一個陷阱畀方生踩落去。而家都有人咁講，覺得我特登去令呢件事發生，咁樣可以箍住方生，完全冇呢件事，我都唔係咁嘅人啦，唔係有機心嘅人，係個天要賜個咁好嘅女畀我哋，有咗迦晴後，佢令我學咗好多嘢，多咗耐心。」

【1993年港姐冠軍】莫可欣認與方中信多拗撬佛系相處 「希望來世大家唔好再做夫妻」【下一頁】

轉眼間迦晴今年已13歲，在她兒時開始，莫可欣已教她做人要謙虛、有禮貌，所以迦晴擁有一班很要好的朋友，莫可欣說：「教練、老師、家長都同我講，迦晴係佢哋見過最有禮貌嘅小朋友，我真係老懷安慰……不過將來佢做咩、讀咩書，我都會支持，我唯一唔支持就係入娛樂圈，選美都唔好喇，因為佢唔係普通小朋友，佢爸爸媽媽係有知名度，佢會有壓力。」

莫可欣收服浪子打破不婚宗旨 相戀23年方中信最愛老婆呢樣嘢……【下一頁】

提到1993年由瑞士返港參加港姐，莫可欣憶述當時在九龍塘廣播道（無綫舊址）進行面試，她笑言特登買了兩套套裝，但沒有購買新泳衣，當換上自己帶去的舊泳衣後，才驚覺自己的泳衣的質料太薄，但因為已見了評判所以沒辦法補救。她指當時沒有想過自己能否入圍，續說：「嗰日（面試）有好多女仔喺度，我記得余少寶坐喺我後面，佢嘅提名人係車淑梅，我見到車淑梅，知道係一個熟面口嘅人，我哋都有打招呼，但我冇諗過余少寶有車淑梅提名就一定入啦；我又記得喺廁所度見到麥家琪，佢好清純、好斯文，佢問我借粉撲，所以我對呢兩個人好有印象……仲有印象係林麗薇同劉飛飛。見完評判之後就返屋企等消息，冇幾耐就收到無綫嘅電話，話我入咗圍。」縱使當時郭可盈、麥家琪、陳皓妍被傳媒視為大熱門，但莫可欣直言初期對自己有信心，雖然如此，不過她的狀態卻越來越下降，她說：「去到某一個階段，我係全身發晒風癩，我覺得自己唔適合咁操勞，越選越唔OK，同埋傳媒都會揀佢哋鍾意嘅佳麗，所以一見記者，咁就冇人理你，開始感覺好冇癮，會有少少打擊到。」在港姐決賽宣布三甲的時候，莫可欣表示當時心想站在身旁的郭可盈應該很有機會（奪冠），但其實又希望是自己。

【93年香港小姐】余少寶曾歷失婚 連環出事欲自殺 出埠走出低潮 自力更生懂知足【下一頁】

{{hket:inline-image name="25.JPG"}}{{/hket:inline-image}}

卸任後，她選擇加入無綫拍劇、做主持，「都係抱住試嘅心情，所以畀自己5年時間，唔係話賺好多好多，但其實收入唔錯㗎，唔係好富有，但足夠我自己搬出嚟住，因為好多剪綵、廣告，好多外快賺，做《K-100》又成日爆騷。」5年後，莫可欣有感自己不懂演技而決定離開無綫，之後試過多份工作，包括形象顧問、紅酒代理、MTV音樂頻道。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】