江嘉敏滿意清爽短髮似林志穎 網民勁彈顯老IG相重P救唔到

日前無綫電視城舉行《TVB節目巡禮2022》，一眾無綫藝人亦有登場，活動開始前更走上紅地氈，男女藝人都盛裝赴會，爭妍鬥麗，可以話係《萬千星輝賀台慶》同《萬千星輝頒獎典禮》以外無綫最隆重嘅活動。

同場加映： 張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

{{hket:inline-image name="247131207_685286139111945_6034662421687971508_n.jpg"}}{{/hket:inline-image}}

今次藝人們嘅造型網民有彈有讚，其中江嘉敏一身Lady嘅蕾絲連身褲造型加埋佢剪咗唔係好耐嘅清爽短髮就非常eye-catching，仲引起網民熱烈討論添！江嘉敏自己就好滿意新look，佢喺IG post咗多張靚相，留言：「要自我介紹一下先。大家好，我係江嘉敏Kaman。好多客户，公司幕前幕後同事都因為我剪短咗個頭而認我唔到。甚至有人捉住我嚟問：『有冇見到江嘉敏，我哋要搵佢上台喇！』但係我好開心，好多人話我carry到呢個短頭髮，估唔到咁好睇，仲話我似林志穎，鹿晗。(內心極度興奮，因為個個都係靚仔）我想大聲講一聲：『陳維冠監製！多謝你堅持要我剪短頭髮！我好鍾意吖！』」

不過網民就唔多buy佢呢個look，話短髮對佢嚟講好顯老：「好似師奶」、「係咪致敬仙杜拉？」，更加話長頭髮襯佢多啲：「點解髪型師咁鍾意叫artist剪短頭髮，有啲人一睇就知唔啱短頭髮啦！」有人更加引用周星馳電影《算死草》、葛民輝去「彌敦道9號」剪壞咗個頭一幕當中嘅對白：「頭嘅嘢你唔係見人哋剪你又發姣發扽走去剪㗎，要襯㗎！你睇吓你而家髮型完全唔襯你個面型。個面型又唔襯個身形，個身形又撞返晒個髮型，係撞到嘭嘭聲呀！」唔少網民更發現佢IG嘅圖片比對番「直出」嘅圖片似乎已經經過「後期加工」，不過都係救唔番：「呢個頭真係好『炒車』，希望佢快啲留番長啦。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】